ព្រះតេជគុណ គង់ មាស ស្នើបរិស័ទ កុំទោមនស្សនឹងព្រះសង្ឃដែលបរគោយន្តដើម្បីសង្គ្រោះជីវិតក្នុងកាលសង្គ្រាម

ព្រះតេជគុណ គង់ មាស ស្នើបរិស័ទ កុំទោមនស្សនឹងព្រះសង្ឃដែលបរគោយន្តដើម្បីសង្គ្រោះជីវិតក្នុងកាលសង្គ្រាម

សៀមរាប៖ ព្រះតេជគុណ គង់ មាស ជាព្រះសង្ឃគង់នៅវត្តមហាមន្ត្រី រាជធានីភ្នំពេញ បាន សុំឱ្យពុទ្ធបរិស័ទមានការយោគយល់ និងកុំរិះគន់ចំពោះព្រះសង្ឃដែលបានបើកបរគោយន្តដោយផ្ទាល់ ក្នុងស្ថានភាពដែលប្រទេសជាតិស្ថិតក្នុងភ្លើងសង្គ្រាម និងការឈ្លានពាន។ ព្រះតេជគុណមានសង្ឃដីកាដូច្នេះ ក្រោយព្រះអង្គបានទស្សនាផ្ទាំងគំនូរដែលរៀបរាប់ពីទុក្ខវេទនារបស់ប្រជាពលរដ្ឋខ្មែរ ក្នុងអំឡុងពេលរងការឈ្លានពានពីសំណាក់យោធាថៃ ដែលក្នុងនោះវិចិត្រករ បានរំលេចនូវរូបភាពព្រះសង្ឃ កំពុងបើកបរគោយន្ត ដើម្បីគេចពី គ្រាប់ផ្លោង។

ព្រះតេជគុណ គង់ មាស បានមានសង្ឃដីកាបញ្ជាក់ថា ទោះបីជាកម្ពុជាគោរពតាមពុទ្ធសាសនានិកាយថេរវាទ ដែលតម្រូវឱ្យព្រះសង្ឃមានការសង្រួម និងប្រតិបត្តិយ៉ាងតឹងរឹង ក៏ដោយ ប៉ុន្តែក្នុងកាលៈទេសៈដែលត្រូវរត់គេចពីគ្រាប់ផ្លោង និងការឈ្លានពាន គឺត្រូវគិតពីសុវត្ថិភាពជាចម្បង។ ព្រះអង្គមានសង្ឃដីកាថា៖ «ស្ថិតក្នុងកាលៈទេសៈនេះ គឺអំឡុងពេលរត់គេចគ្រាប់ផ្លោងរបស់យោធាថៃ ទាំងព្រះសង្ឃ និងបរិស័ទមិនអាចជួយគ្នាបានទេ គឺត្រូវរកឧបាយណាមួយ ដើម្បីគេចចេញដោយសុវត្ថិភាព»។ ព្រះអង្គបានបន្ថែមទៀតថា បើពិនិត្យលើវិន័យព្រះពុទ្ធសាសនា គឺពុំមានបញ្ញត្តិណាមួយហាមឃាត់ព្រះសង្ឃមិនឱ្យបើកបរគោយន្ត ឬម៉ូតូនោះឡើយ ប៉ុន្តែអ្វីដែលសំខាន់គឺការរក្សានូវការសង្រួម។

ក្រៅពីការបង្ហាញក្តីអាណិតអាសូរចំពោះទិដ្ឋភាពដ៏ខ្លោចផ្សា ព្រះតេជគុណ គង់ មាស បានសម្តែងនូវភាពរន្ធត់ចិត្តដែលកម្ពុជាត្រូវរងការឈ្លានពាន ពីប្រទេសថៃ ដែលជាបរិស័ទប្រទេសនោះ កាន់ព្រះពុទ្ធសាសនាដូចគ្នា។ ព្រះអង្គសង្កត់ធ្ងន់សង្ឃដីកាដោយដកស្រង់នូវពុទ្ធភាសិតមកបញ្ជាក់ថា៖ «ថៃជាប្រទេសគោរពព្រះពុទ្ធសាសនាដូចកម្ពុជាដែរ តែហាក់ដូចជាមិនយល់អត្ថន័យ នៃពាក្យទូន្មានរបស់ព្រះសម្មាសម្ពុទ្ធ ដែលទ្រង់ត្រាស់ថា នត្ថិសន្តិបរំសុខំ ដែលមានន័យថា ពុំមានសេចក្តីសុខដទៃ ក្រៅអំពីសេចក្តីស្ងប់ឡើយ»។

ព្រះអង្គបានផ្តល់នូវទស្សនៈអប់រំថា ប្រសិនបើប្រទេសនីមួយៗ ស្គាល់នូវពាក្យថា«ស្ងប់» និង«ល្មម» នោះពិភពលោកនឹងមិនមានជម្លោះ ឬការឈ្លានពានគ្នាដែលបង្កជាទុក្ខវេទនាដល់មនុស្សជាតិបែបនេះឡើយ៕


ផលិតដោយសារព័ត៌មានឌីជីថលថ្មីៗ
វីដេអូ៖ ថោង ប្រណី
សូមចុចចូលតេឡេក្រាមផ្លូវការរបស់សារព័ត៌មានឌីជីថលថ្មីៗ t.me/thmeythmeymedia ដើម្បីទទួលបានព័ត៌មានរហ័ស និងសម្បូរបែប!

សូមចុចចូលMessengerផ្លូវការរបស់សារព័ត៌មានឌីជីថលថ្មីៗ https://www.messenger.com/channel/Thm... ដើម្បីទទួលបានព័ត៌មានរហ័ស និងសម្បូរបែប!

ទំនាក់ទំនងផ្សព្វផ្សាយពាណិជ្ជកម្មជាមួយសារព័ត៌មានឌីជីថលថ្មីៗតាមរយៈ 012 900 132/081 699 329 ឬតេឡេក្រាម t.me/salesttn

ThmeyThmey Social Media:
Youtube: https://bit.ly/2RNzknr
Instagram: https://bit.ly/32QSFup
Twitter: https://bit.ly/3iTsTuS
Web: https://bit.ly/3hPEU3q
Facebook: https://bit.ly/2FGyvKY
Threads: https://bit.ly/44q1UPl

© All Rights Reserved & Copyrights by Thmey Thmey Digital Media (thmeythmey.com)

#thmeythmey
#thmeythmeynews
#cambodianess
#thmeythmey25
#trending
#cambodia
#ថ្មីៗ