მეცნიერება მითების წინააღმდეგ / ჰქონდათ თუ არა კულტურა ნეანდერტალელებს?
Автор: Change, You Can! / შეცვალე, შეგიძლია!
Загружено: 2022-10-14
Просмотров: 722
პლატფორმა "Change, You Can! / შეცვალე, შეგიძლია!" აგრძელებს მუშაობას რუბრიკაზე - "მეცნიერება მითების წინააღმდეგ". ამ რუბრიკის ქვეშ მომზადებულ ვიდეოებში გავარჩევთ იმ მითებს, რომლებიც გავრცელებულია ჩვენს საზოგადოებაში და ან საღდება მეცნიერული დაკვირვებების შედეგად, ან უბრალოდ ხელს უშლის მეცნიერული აზრის გავრცელებას.
---------------
ამ კონკრეტულ ეპიზოდში მეცნიერების პოპულარიზატორი რომან აფაქიძე საუბრობს გავრცელებულ მითზე, თითქოს კულტურა გააჩნია მხოლოდ Homo Sapiens-ს და ჰომოს გვარის სხვა წარმომადგენლებს კულტურა საერთოდ არ გააჩნდათ.
---------------
ეს ფსევდო-მეცნიერული მითი ძირითადად გავრცელებულია საზოგადოების იმ ნაწილში, რომელიც სამყაროს და ადამიანის წარმოქმნის კრეაციონისტულ მიდგომას იზიარებს და მიიჩნევს, რომ თანამედროვე ადამიანის წარმოშობაში ევოლუციურზე მნიშვნელოვანი იყო ღვთიური ნაპერწკლის ანთება. ამ რთულად ჩახლართული შეხედულების შედეგად, ევოლუცია კი არსებობს, მაგრამ ადამიანის, როგორც სულიერი არსების ჩამოყალიბებაზე მას გავლენა არა აქვს და ჩვენი ღრმა სულიერი და კულტურული სამყარო, სწორედ ღმერთის არსებობის და მისი ჩარევის მაგალითად მიიჩნევა.
---------------
ეს მოსაზრება რომ ჭეშმარიტებას არ შეესაბამება, ამაზე მოწმობს არქეოლოგიური გათხრების შედეგად მოპოვებული დიდი რაოდენობით ფაქტობრივი მასალა, რომელიც რთული კულტურის (ხელოვნების, რწმენა-წარმოდგენების, რიტუალებისა და სიკვდილზე განსაკუთრებული შეხედულებების, ენის, მედიცინის) არსებობას ადასტურებს ჰომოს გვარის ნეანდერტალელ წარმომადგენლებშიც.
---------------
განსაკუთრებით მნიშვნელოვანი იყო ამ თვალსაზრისით პოლონური წარმოშობის ამერიკელი არქეოლოგის რალფ სოლეცკის მიერ, ერაყის ჩრდილოეთში, შანიდარის მღვიმეში 1950-70-იან წლებში წარმოებული გათხრები. სწორედ სოლეცკის აღმოჩენების მნიშვნელობაზეა საუბარი ამ ვიდეოში.
---------------
"შეცვალე, შეგიძლია" არის პლატფორმა, რომელიც ხელს უწყობს ნებისმიერი ტიპის პოზიტიურ ცვლილებებს, როგორც პიროვნულ, ასევე საზოგადოებრივ დონეზე. პლატფორმის მიზანია მეცნიერების პოპულარიზაცია, განათლების სისტემის დემოკრატიზაციისადმი მამართული ცვილელების ინიცირება, საზოგადოების ინფორმირებულობის ზრდა... ნებისმიერი აქტივობის ორგანიზება თუ მხარდაჭერა, რომელიც განათლების დონის, თავისუფლების და ცხოვრების ხარისხის გაუმჯობესებას უწყობს ხელს.
---------------
მონტაჟი და გრაფიკა - ივა თადიაშვილი
Доступные форматы для скачивания:
Скачать видео mp4
-
Информация по загрузке:
