TUKIO LA KUTISHA 5 WAUWA, WENGINE ZAIDI YA 30 WAKIJERUHIWA MSIKITINI
Автор: Mwananchi Digital
Загружено: 2025-12-26
Просмотров: 1308
Polisi nchini Nigeria wamesema kuwa waumini watano waliuawa na wengine 35 kujeruhiwa baada ya mshukiwa wa kujitoa mhanga kulipua kilipuzi ndani ya msikiti katika mji wa Maiduguri, makao makuu ya jimbo la Borno.
Shambulio hilo lilitokea Jumatano jioni, Desemba 25, wakati waumini walipokuwa wakikusanyika kwa ajili ya sala za jioni katika msikiti wa Al-Adum.
Mpaka sasa, hakuna kundi lililodai kuhusika na shambulio hilo. Tukio hili linatokea wakati hali ya usalama ikiendelea kuwa tete kaskazini mashariki mwa Nigeria, eneo ambalo limekuwa likikumbwa na mashambulizi ya waasi wa Kiislamu wa Boko Haram pamoja na kundi la ISWAP kwa zaidi ya miaka 15.
Mashahidi walisema mlipuko huo ulizua hofu kubwa, huku waathiriwa wakikimbizwa kwa haraka katika Hospitali ya Mafunzo ya Chuo Kikuu cha Maiduguri na Hospitali Maalum ya Serikali.
Kiongozi wa soko, Masta Dalori, alisema:
“Ilikuwa wakati wa sala ndipo bomu lililipuka. Hakuna anayejua kilichotokea. Mwenyezi Mungu amekusudia, lakini hakuna anayeweza kueleza kilichotokea.”
Gavana wa Jimbo la Borno, Babagana Zulum, amelilaani vikali shambulio hilo, akilielezea kama:
“tukio la kulaaniwa kabisa, la kinyama na lisilo la kibinadamu.”
Katika taarifa yake, gavana huyo aliwahimiza wananchi kuwa waangalifu zaidi katika maeneo ya ibada na maeneo ya umma, hasa katika kipindi hiki cha sherehe.
Polisi wamethibitisha idadi ya waliofariki na waliojeruhiwa, wakisema kuwa timu za wataalamu wa kutegua mabomu (EOD) zimezingira eneo hilo.
Msemaji wa polisi wa Jimbo la Borno, Kenneth Daso, alisema uchunguzi unaendelea na kuwataka wakazi kubaki watulivu lakini makini.
Доступные форматы для скачивания:
Скачать видео mp4
-
Информация по загрузке:
