المدرّع درع جنب ( بنك الجمايل ) 🔥 خالد ال بريك - جديد 2024

المدرّع درع جنب ( بنك الجمايل ) 🔥

مهداة للشيخ المستشار
محمد بن عبدالعزيز المدرع العائذي

كلمات الشاعر عمر الحمياني
اداء المنشد خالد ال بريك

كلمات العمل


لن بدا الليل الطويل وصار للاشواق طايل
والشتاء برده يزيد الشوق مع بعد المسافه

المشاعر حرها زود على الصدر الغلايل
وخوفنا على المفارق اكبر انواع المخافه

من عذاب العشق يوم يباغت اعيال الحمايل
قوّ ضربه فالصدر ينزع من الرجل الصلافة

الهوى غُلّب القلوب وما تقاومه الصمايل
من بعد ما القلب قاسي صار به رحمه و رافه

اتركوني اخذ افكاري على قب الاصايل
دامت ان الشاعر يسخر خيالاته ب قافه

في مجال العاشقين اعطيت من فكري قلايل
لوّ مقصودي بحر ما ضيق الخاطر ضفافه

وادري ان الامنيه تُبْذَل لها كل الوسايل
والبنادم ما يتله للزرى غير اللقافة

من ملك خير الخصايل يعتلي روس الطوايل
والستر للادمي في بارد ايامه لحافه

كل واحد في حياته له طريق وله بدايل
من يبى درب الزعل يزعل من اصحاب الطرافه

والكفو من بيني وبينه ما حال اليوم حايل
كل ما جيته وجاني فالصدر يلقى الضيافه

وان بدا للشعر دور فنظم الابيات الجزايل
يستحق اللي مديحه يعطي الشاعر اضافه

الرفيق اللي ليا وقّف يعدل كل مايل
وان زهمته فالشدايد يرمي الدنيا خلافه

له كفوفن حاتميه تشبه امزون المخايل
تروي كبودن تعنت من ضما القيض وجفافه

محزمن وقت الطلب ما يرتخي والراس طايل
من صلابة راسه المطنوخ ما يرضا الضعافه

مثل شيخ الجود مزبان الخوي وافي الخصايل
المدرع درع جنب يذوق العاصي حسافه

محمد محمد له الاول على كل الاوايل
خل عنك انه يفكر يلتفت صوب الوصافه

كاسبن طيب النبا والصيت من طيب الفعايل
والفصاحة بالحديث اللي تجلت بالثقافة

فعل ابو رايد نشوفه لا بدا قدح الفتايل
خلد التاريخ فعله بالشموخ وبالانافه

عادته صرف الجميل وصار بنكن للجمايل
مشابهن صرفه لصرف المال في بنك الصرافه

مجلسه مدهال لشيوخ العرب واهل الفضايل
منه نفح الطيب عم الجو واتعدى غلافه

يعتق ارقاب ويسد اديون ما هاب الهوايل
كل ما يفزع يجاوب فزعته ما من كلافه

يا فخر قحطان اشوف انك فخر كل القبايل
ماقفك مع كل قبيلة ما خفا والكل شافه

فيك يفخر شعري المرموق في بدع المثايل
ومنك يعلو فالسما ويبين للناس اكتشافه

يا فخر كل القبايل نفتخر والشك زايل
الزمن لو اختلف ما ينرسم فيك اختلافه

..
للتواصل والاستفسارات :
الحسابات الرسمية لـ منصة بصمة الابداع .

‏Official Whatsapp :
الرابط محادثة الواتساب المباشر :
https://wa.me/message/4GKUGHJQFDZTC1
+966562778026


‏Official Snapchat :
  / a_thane2  

‏Official Twitter :
  / a_thane2  

‏Official Instagram :
  / a_thane2  

ـــــــــــــــــــ