Radha Krishna Ka Shringar 🤩Aur 108 Parikrama! 🙏

Radhe Radhe Dosto! 🙏

Aaj main aap sabke saath Dev Prabodhini Ekadashi (Dev Uthani Ekadashi) ka poora din share kar rahi hu.
Yeh din bahut hi khaas aur mangalmay hota hai, kyunki is din se saare shubh aur mangalik kaam phir se shuru ho jaate hain.

Subah hum sab mandir gaye aur Radha Krishna ko Bhuaa, Mummy, aur Krishna Chachi ji ne milkar nayi, sundar poshak pehnayi thi.
Aap dekhenge ki hamare Radha Madhav kitne manmohak lag rahe the! 😍

Iske baad, hum sabne milkar 108 baar Mandir ki Parikrama ki.
Aur guess karo?
Hamare chotu Tanshu ne bhi poori Parikrama ki! Wo pal dekhkar bahut accha laga. 😊

Aur haan, shaam ko humne Devi Devtaon ko uthane ki puja ki aur bahut hi pavitra Tulsi Vivah bhi karwaya.

Is poore vlog mein aapko mandir ki vibes aur Tulsi Vivah ki khubsurat jhalak dekhne ko milegi.


Video ko End tak zarur dekhein aur agar accha lage to Like, Share aur Subscribe karna mat bhoolna!



Dev Prabodhini Ekadashi Kya Hai?


Dev Prabodhini Ekadashi ko Dev Uthani Ekadashi bhi kehte hain.
"Dev Prabodhini" ka matlab hai 'Deva' (Bhagwan Vishnu) ka 'Prabodhini' (jaagna/uthna).
Matlab: Char Mahine (4 months) pehle Devshayani Ekadashi par Bhagwan Vishnu ksheer sagar mein yog nidra ke liye chale jaate hain.

Is Dev Prabodhini Ekadashi ke din unki yeh nidra samapt hoti hai aur woh phir se jaagrit ho jaate hain.

Iska Mahatva: Jab Bhagwan Vishnu yog nidra mein hote hain, toh is beech saare mangalik kaam jaise shaadi, mundan, grih pravesh, aadi ruk jaate hain.

Shubh Kaamon Ki Shuruaat: Chuki aaj ke din Bhagwan Vishnu jaagrit ho jaate hain, isliye aaj ke din se hi sabhi tarah ke shubh, mangalik aur bade kaam phir se shuru ho jaate hain.