Jizzax viloyatidagi uchrashuv: soliq to‘lovchilarni eshitish va muammolarni tezkor hal etish sari
Автор: Yirik soliq to'lovchilar bo'yicha inspeksiya
Загружено: 2025-11-15
Просмотров: 7852
Oʻzbekiston Respublikasi Soliq qoʻmitasi hamda Yirik soliq toʻlovchilar bo‘yicha hududlararo inspeksiya masʼullari Jizzax viloyatida faoliyat yuritayotgan yirik korxonalar vakillari bilan uchrashuv o‘tkazdi.
Ochiq va samimiy muloqot davomida tadbirkorlarni qiynayotgan eng dolzarb masalalar – soliq maʼmuriyatchiligi, hisobot topshirish jarayonlari, amaldagi imtiyozlardan foydalanish kabi yo‘nalishlar batafsil ko‘rib chiqildi.
Uchrashuvning asosiy maqsadi — soliq to‘lovchilarni eshitish, ularning muammolarini joyida o‘rganish va qisqa muddatda amaliy choralar ko‘rish bo‘ldi. Mutasaddilar ko‘tarilgan har bir masala yuzasidan aniq vazifalar belgilab, tegishli yordam ko‘rsatishni maqsad qildi.
Shuningdek, korxonalar uchun yanada qulay biznes muhiti yaratish, ochiqlik va hamkorlikni kuchaytirish bo‘yicha yangi takliflar ham ilgari surildi.
Uchrashuv yakunida masʼullar bunday muloqotlar muntazam davom etishi va davlat hamda xususiy sektor o‘rtasidagi hamkorlikni yanada mustahkamlashga xizmat qilishini ta’kidladilar.
Доступные форматы для скачивания:
Скачать видео mp4
-
Информация по загрузке:
