ကျားဖြန့်တိုက်ဖျက်​ရေးအ​မေရီကန် ဝင်လာပြီး ​​နောက်ဝယ် .... | People's Spring

ကျားဖြန့်တိုက်ဖျက်​ရေးအ​မေရီကန် ဝင်လာပြီး ​​နောက်ဝယ် ....

​နေ့သစ်/People's Spring

အ​မေရီကန် နိုင်ငံသား​တွေကိုပါ လိမ်လည်အမြတ်ထုတ်လာတဲ့ ကျားဖြန့်လုပ်ငန်း​တွေကို နှိမ်နင်းဖို့ အ​မေရီကန်အစိုးရက အွန်လိုင်း​ငွေလိမ်လုပ်ငန်း တိုက်ဖျက်​ရေးအဖွဲ့ကို ဖွဲ့စည်းလိုက်ပြီးစတင်စုံစမ်းစစ်​ဆေး​နေပြီလို့ ​ကြေညာလိုက်တာက မြဝတီ ​ဒေသမှာ​ရော ၊​နေပြည်​တော်မှာ​ရော ၊​ဘေဂျင်းမှာပါ ဝရုန်းသုန်းကား​တွေဖြစ်​စေခဲ့ပါတယ်။ မြန်မာ-ထိုင်းနယ်စပ် မြဝတီ​ဒေသမှာ ၂၀၂၅ နှစ်ဆန်းကတည်းက ကျားဖြန့်နှိမ်နင်း​ရေး​ခေါင်းစဥ်နဲ့ ဇာတ်လမ်းမျိုးစုံ​တွေခဲ့ရ​ပေမယ့် ဒီတစ်ကြိမ်မှာ​တော့ ​ရှေ့ကအ​ခြေအ​နေ​တွေနဲ့ မတူ​တော့တဲ့အ​ကြောင်း ဒီတစ်ပါတ်​​ပြောပြချင်ပါတယ်။

အမေရိကန်နိုင်ငံ ၊ကိုလမ်ဘီယာခရိုင် ရှေ့နေချုပ် ဦး​ဆောင်ပြီးတရား​ရေးဝန်ကြီးဌာနအပါအဝင် အမေရိကန်ကဖက်ဒရယ်ထောက်လှမ်းရေးဗျူရို (FBI)၊အထူးလျှို့ဝှက်ထောက်လှမ်းရေးဌာန ၊မူးယစ်ဆေးဝါး တိုက်ဖျက်ရေး ဦးစီးဌာနတွေ ပူးပေါင်းပြီး အွန်လိုင်း​ငွေလိမ်လုပ်ငန်းနှိမ်နင်းရေး အထူးတပ်ဖွဲ့ (Scam Centre Strike Force-SCSF) ဖွဲ့စည်း​ကြောင်း​ နိုဝင်ဘာ ၁၂ ရက်​နေ့မှာ ကြေညာခဲ့ပါတယ်။ အဲဒီတပ်ဖွဲ့ရဲ့ ရည်ရွယ်ချက်က မြန်မာ၊ ကမ္ဘောဒီးယား၊ လာအို နိုင်ငံတွေထဲက ကျားဖြန့် ကွန်ရက်တွေကို ဖြိုခွဲဖို့၊ ကျူးလွန်သူ​တွေကိုအ​ရေးယူဖို့ နဲ့ သားကောင်ဖြစ်ခဲ့သူတွေကို ကယ်ဆယ်နိုင်ဖို့လို့ ဆိုပါတယ်။

ဒါအပြင်အ​မေရီကန်က နိုဝင်ဘာ ၁၂ ရင်​နေ့မှာပဲ ​ကျားဖြန့်လုပ်ငန်း​တွေလုပ်ကိုင်တဲ့ DKBA ​ခေါင်း​ဆောင် ၄ ဦး နဲ့ DKBA ကို အ​ရေးယူဒဏ်ခတ်ခဲ့ပါတယ်။အမေရိကန်ရဲ့ အ​ရေးယူဒဏ်ခတ်ခဲ့သူ​တွေက DKBA ခေါင်းဆောင်တွေဖြစ်တဲ့ စောစတီးလ်၊ စောစိန်ဝင်း၊ စောစန်းအောင်နဲ့ စိုင်းကျော်လှတို့
ဖြစ်ပါတယ်။ အ​မေရီကန်က ၂၀၂၅ နှစ်ဆန်းပိုင်းကလည်း စစ်တပ်လက်​အောက်ခံBGF ​ခေါင်း​ဆောင် ​စောချစ်သူ ၊၎င်းရဲ့သားနှစ်ဦး နဲ့ နယ်ခြား​စောင့်တပ်ကိုပါ ကျားဖြန့်လုပ်ငန်း​တွေ​ကြောင့်အ​ရေးယူ ဒဏ်ခတ်ခဲ့ပါ​သေးတယ်။

ဒီတစ်ကြိမ်အမေရိကန်ကကြေညာခဲ့တဲ့ ပိတ်ဆို့ အရေးယူမှုတွေရဲ့ အဓိက အကြောင်းရင်းကတော့ အဲဒီလူပုဂ္ဂိုလ်နဲ့ အဖွဲ့အစည်းတွေဟာ အမေရိကန် နိုင်ငံသားတွေကို ထိခိုက်နစ်နာစေတဲ့ ဆိုက်ဘာ ငွေကြေးလိမ်လည်မှု (ကျားဖြန့်) လုပ်ငန်းတွေနဲ့ တိုက်ရိုက် ယှက်နွှယ် ပတ်သတ်နေတာကြောင့်လို့ ဖော်ပြထားပါတယ်။

ကျားဖြန့် ဒုစရိုက်ဂိုဏ်းတွေဟာ DKBAနဲ့ ပူးပေါင်းပြီး မြန်မာနိုင်ငံထဲမှာ ငွေကြေးလိမ်လည်မှု ဒုစရိုက် ကွန်ရက်တွေ ထူထောင်ထားကြောင်း၊ အဲဒီဂိုဏ်းတွေရဲ့ လူမှောင်ခိုမှုတွေမှာလည်း သားကောင်ဘဝ ကျရောက်ခဲ့သူ အများအပြား ရှိခဲ့ကြောင်း အမေရိကန် ဘဏ္ဍာရေး ဝန်ကြီးဌာနရဲ့ ညွှန်ကြားရေးမှူး ဂျွန်ကေ ဟာလေက ပြောကြားခဲ့ပါတယ်။

အမေရိကန် အစိုးရဟာ ဆိုက်ဘာရာဇဝတ်မှုတွေနဲ့ ပတ်သက်ရင် အလွတ်မပေးစတမ်း ခြေရာခံ ရှာဖွေနေပြီး အမေရိကန် မိသားစုတွေကို ကာကွယ်နေမှာဖြစ်ကြောင်းလည်း သူက ဆိုပါတယ်။

အရေးယူပိတ်ဆို့မှု စာရင်းမှာပါဝင်လာတဲ့လူပုဂ္ဂိုလ်နဲ့ အဖွဲ့အစည်းတွေနဲ့ ဆက်စပ်ပြီး အမေရိကန်မှာ ရှိနေတဲ့ ပိုင်ဆိုင်မှုတွေ၊ အမေရိကန် နိုင်ငံ
သားတွေက ထိန်းသိမ်းပေးထားတဲ့ ပိုင်ဆိုင်မှုတွေ အားလုံးကို သိမ်းဆည်းထားမှာ ဖြစ်သလို အဲဒီ လူပုဂ္ဂိုလ်၊ အဖွဲ့အစည်းတွေနဲ့ ပူးပေါင်းပြီး အမေရိကန် နိုင်ငံသားတွေက လုပ်ငန်း ဆောင်ရွက်ခွင့်ကိုလည်း ပိတ်ပင်ထားပါတယ်။ ချိုးဖောက်ရင် ကြီးလေးတဲ့ ရာဇဝတ်ပြစ်ဒဏ်၊ ဒဏ်ကြေးတွေ ကြုံနိုင်တယ်လို့လည်း တစ်ပါတည်းသတိပေးထားတာပါ။

"ကျားဖြန့်" ဆိုတာ တရုတ်ဘာသာနဲ "လိမ်လည်ခြင်း" လို့ အဓိပ္ပာယ်ရပါတယ်။အွန်လိုင်းမှ ငွေကြေးလိမ်လည်မှု (Cyber Scam နဲ့ Telecom Scam) ​တွေကို ဆိုလိုတာပါ။ အင်တာနက်၊ ဖုန်း၊ လူမှုကွန်ယက်မီဒီယာ​တွေကို အသုံးပြပြီးကမ္ဘာတစ်ဝန်းက လူများထံမှ ငွေကြေးလိမ်လည်ကြ
တာဖြစ်ပါတယ်။ နည်းပညာကို အသုံးပြပြီး စနစ်တကျ ဖွဲ့စည်းထားတဲ့ နိုင်ငံဖြတ်ကျော် ငွေလိမ်ရာဇဝတ်ဂိုဏ်း​တွေရဲ့ အန္တရာယ်ကိုအခု ကမ္ဘာနိုင်ငံအများစု ခံစား​နေရပြီးပိုသိလာကြပါပြီ ။

United States Institute of Peace(USIP)ရဲ့ အစီရင်ခံစာ​တွေအရ BGF ဟာကျားဖြန့်လုပ်ငန်း​တွေက​နေ နှစ်စဉ် ဒေါ်လာသန်းရာနှင့်ချီ ရရှိနေတယ်လို့​ဖော်ပြပါတယ်။ BGF ဟာ စစ်ကောင်စီရဲ့ ကွပ်ကဲမှုအောက်မှာ ရှိပြီး BGF အဖွဲ့ ဝင်ငွေရဲ့ ၅၀ ရာခိုင်နှုန်းလောက်ကို စစ်တပ်သို့ ခွဲဝေပေးတယ်လို့အစီရင်ခံစာ​တွေက ဆိုပါတယ် ။

အ​မေရီကန်က ကျားဖြန့်နှိမ်နင်း​ရေးအထူးတပ်ဖွဲ့(SCSF)ဖွဲ့စည်းပြီး ထိုင်းနဲ့ပူး​ပေါင်းစုံစမ်း​ထောက်လှမ်းမှု​တွေ စလုပ်​နေပြီ​ကြေညာလိုက်တာနဲ့ မြဝတီ ၊ ​နေပြည်​တော် သာမကပဲ တရုတ်နိုင်ငံနဲ့ အာဆီယံ​ဒေသတစ်ခုလုံး အလုပ်များကုန်ပါ​တော့တယ်။

အ​မေရိကန်ကအထူးတပ်ဖွဲ့ ဖွဲ့စည်း​​ကြောင်း​ကြေညာပြီး​နောက်​နေ့မှာပဲ တရုတ်အစိုးရကလည်း တရုတ်နိုင်ငံ၊ကူမင်းမြို့မှာမြန်မာ၊ ထိုင်း၊ လာအို၊ ကမ္ဘောဒီးယားနဲ့ ဗီယက်နမ်နိုင်ငံတို့တက်​ရောက်ပြီးမဲ​ခေါင်-လန်ချာ ​၆ နိုင်ငံကျားဖြန့်တိုက်ဖျက်​ရေးပူး​ပေါင်းလုပ်ကိုင်မယ်လို့ဆိုပါတယ် ။

လွှတ်​တော်ကြားနားပွဲမှာ ကျားဖြန့်နှိမ့်နင်း​ရေးအပြင် စစ်တပ်ရဲ့အဓိကဘဏ်​တွေကိုအ​ရေးယူဖို့ ၊​တော်လှန်​ရေးအင်အားစု​တွေကို လက်နက်မဟုတ်တဲ့ နည်းပညာ အ​ထောက်အကူ​ပေးဖို့ ၊စစ်​ဘေး​ရှောင်​တွေကို ကူညီ​ပေးဖို့လည်းပါဝင်ပါတယ်။

ကျားဖြန့်နှိမ်နင်း​ရေး​ကြောင့် စစ်တပ်နဲ့ BGF ဝင်ငွေနည်းသွားရင် နိုင်ငံရေးအရအကျိုးရှိနိုင်ပါတယ်။ ဘာဖြစ်လို့လဲဆိုရင် တရုတ်ရော၊ ရုရှားကပါ ပိုက်ဆံမပေးရင် လက်နက်နဲ့​လေယာဥ်ဆီ ရောင်းမှာမဟုတ်ဘူး။ ပိုက်ဆံမပေးရင် ရ​တော့မှာမဟုတ်ပါဘူး။စစ်တပ်ဝင်​ငွေနည်းသွားပြီး ငွေကြေးစီးဆင်းမှုလျော့သွားရင် ဒီတော်လှန်ရေးအတွက် အကျိုးရှိတယ် လို့ ဦးဂျိမ်း​စ်ရွှေကသုံးသပ်လိုက်ပါတယ်။ ။

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

  / subscribe  
𝗬𝗼𝘂𝗧𝘂𝗯𝗲 -    / @peoplespring  
𝗙𝗮𝗰𝗲𝗯𝗼𝗼𝗸 -   / ludunwayoo  
𝗪𝗲𝗯𝘀𝗶𝘁𝗲 - https://www.ludunwayoo.com/
𝗧𝗲𝗹𝗲𝗴𝗿𝗮𝗺 - https://t.me/peoplespring

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA