مسلسل كوري عتمة \ تعتيم Black out Kdrama - اليسا عشت وشُفت ( يا ساتر من شر وغل البنأدمين )

واجب عليا أني احذر الفيديو يتضمن موضوعات قد لا تناسب البعض وقد يتأذى منها من مر بتجارب مشابهة 💔
كنت شاكة فيهم كلهم من البداية ازاي طلعوا بالغل والشر ده كله فاقوا توقعاتي الصراحة 🥺 خيبة الامل اللي كان فيها لما عرف ان اصحابه هما اللي اغت*صبوا وق*تلوا صحبتهم ولبسوا الجريمة ليه وفيهم اللي خبى الدليل على براءته عشان ابوه خايف يكون متورط كل ده عشان هو كان انسان افضل منهم وبعد كل اللي عملوه بيحطوا عليه اللوم بمنتهى البجاحة كمية الصدمات والخذلان اللي شافه جونغ وو تهد جبل 🥺
من المحزن ان الاشرار حققوا احلامهم وعاشوا حياتهم لمدة 10 سنين وجونغ وو بيدفع تمن جريمة معملهاش وبو يونغ اللي كان حلمها تتجوز حد كويس وتبعد عن ابوها المُعنف تم التنكيل بيها من اقرب ناس ليها يمكن التلاتة اللي في الفيديو هما الضحايا لبلدة بأكملها لكن بشكل او باخر التمن بيتدفع اصدقائه المقربين الاتنين اتفضحوا بجريمة الاغ*تصاب وقريب هيثبتوا جريمة الق*تل وصديقه جيون اوه اللي الذنب اكل فيه 10 سنين عكس الاتنين البجحين اللي ارتكبوا الجريمة انت*حر في الآخر مقدرش يستحمل وتقريباً جيون اوه مكنش ليه ذنب في موت بو يونغ والاتنين التانيين هما اللي ورطوه جيون اوه جبان وده كان واضح وهو صغير لما شاف اخوه سو اوه بيتنمروا عليه ومقدرش يتدخل غير لما جونغ وو اتدخل وساعدهم من الممكن يكون جبن وخوف جيون اوه هو نقطة الضعف اللي اتمسك منها واتورط معاهم في جريمة هو ما ارتكبهاش وكفاية الذنب اللي كان عايش فيه حتى والده اتعاقب ضحى بمستقبل ابن صديقه عشان ابنه وفي الآخر ابنه ينهي حياته بنفسه نهايته حزينة ومؤلمة ولكن منصفة 💔
نفسي في نهاية تشفي غليلي من الكل خصوصاً اهل البلدة عشان هما شاركوا في التنكيل بجونغ وو وعيلته وكانوا بياكلوا ويشربوا مع اهل الضحية بو يونغ طول عشر سنين من غير ما يحسوا بالذنب او الخجل حقيقي جونغ وو واهله كانوا عايشين وسط شياطين.
دا ايون بقى ممكن تبقي عايشة وتنصف جونغ وو بعد ما الشاهد الوحيد انتحر او ممكن يكون الدكتور هو اللي قتلها وحد عارف سره وبيهدده (الدكتورة مثلاً)
على العموم باقي ٦ حلقات على النهاية اتمنى تكون منصفة ومقدرش متكلمش تاني على تمثيل بيون يو هان كان مستخبي فين مني طول الفترة دي حقيقي شابوه بيخلي المشاهد يندمج معاه من غير أفورة بس عيونه المخنوقة بالدموع بتجيب اجلي واقعد اتشحتف عليه 🥺💔
#blackout #kdrama #عتمة