კაია კალასის აღიარება ცრუ ბრალდების შესახებ

ევროკავშირის საგარეო საქმეთა და უსაფრთხოების პოლიტიკის უმაღლესმა წარმომადგენელმა, კაია კალასმა აღიარა, რომ ოპონენტების მიმართ ცრუ ბრალდებებს ავრცელებდა, ამის შესახებ მან სოციალურ ქსელში თავად დაწერა.

„მე, კაია კალასმა, 2022 წლის 17 თებერვალს გაკეთებულ პოსტში გამოვაქვეყნე ფაქტობრივად არასწორი ინფორმაცია, თითქოს ვარო ვოგლაიუს და „ოჯახისა და ტრადიციების დაცვის ფონდის“ მიერ ორგანიზებულ დემონსტრაციაზე ესტონეთის პოლიციას თავს დაესხნენ და თითქოს ვარო ვოგლაიუმ და ესტონეთის „კონსერვატიულმა პარტიამ“ 2021 წლის 23 ოქტომბერს თავისუფლების მოედანზე დემონსტრაცია მოაწყვეს. ეს განცხადებები სიმართლეს არ შეესაბამება“, - დაწერა კალასმა Facebook გვერდზე.

რაიონული სასამართლოს გადაწყვეტილებით, კალასი ვალდებული იყო საჯაროდ გაეკეთებინა განცხადება და ეთქვა, რომ მცდარი ინფორმაცია გაავრცელა ვოგლაიუსა და „ოჯახისა და ტრადიციების დაცვის ფონდის“ მიერ ორგანიზებულ დემონსტრაციაზე სამართალდამცავებზე თავდასხმის შესახებ.

შეგახსენებთ, რომ მაშინ კალასმა სოციალურ ქსელში გამოაქვეყნა პოსტი, სადაც პოლიტიკოსს ვარო ვოგლაიუს აკრიტიკებდა. „ჩვენ გვახსოვს მათ მიერ ორგანიზებული დემონსტრაცია ტუმპეაზე, სადაც ესტონეთის პოლიციას თავს დაესხნენ. გვახსოვს ვარო ვოგლაიუს და ესტონეთის „კონსერვატიული პარტიის“ მიერ ორგანიზებული დემონსტრაცია 23 ოქტომბერს თავისუფლების მოედანზე, სადაც ესტონელ ექიმებს, მეცნიერებსა და სამედიცინო მუშაკებს თავს დაესხნენ. სამწუხაროდ, ესტონეთის სახელმწიფოს მტრად წარმოჩენა ვაროსა და მისი მტკიცე მხარდამჭერი პარტიის პოლიტიკური რიტორიკის ნაწილი გახდა“, - წერდა კაია კალასი.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.