الفزعة الشمرية || اداء طلال العارف || حصريا ٢٠١٩

إشترك وفعّل التنبيهات قناة سعران الخندلي
ليصلك كل جديد وحصري | (xlrzc_16)

=-=-=-=-=-=-=-=-=-=-=-=-=-=-=-=

شــــــيــــــلــــــة : الفزعة الشمرية
كلمات الـشـاعر : ايو الحسين الفداغي
اداء الـمــنــشـــد : طلال العارف
تصميم : سعران الخندلي
=-=-=-=-=-=-=-=-=-=-=-=-=-=-=-=

كلمات الشيلة :

وين الطنايا وينكم يالمزاهيف
اهل الدلال وباللقا انتم هل السيف
قومو وفكو السجن لمحمد منيف
مظلوم والمظلوم عايش بذله

واحمد ابو مدلول قول النزاهه
هذا الزعيم وكل شمر تباهى
خذا المراجل يوم غيره عطاها
كل شمر اليا صار فيهم عنو له

هذا ولدكم وانتخو يالصناديد
تكفى يابو مقرن تفكون هالقيد
يالذيب يالمسطور ياخلفة الصديد
انتم سيوفن باللوازم نسله

وعبدالرحيم اليا غزا جابه الفود
النادر الضرغام بالفعل مشهود
المطلقي يوم الوغا قايد حشود
وعند النخاوي كل صعبن يذله

ونايف مكيف ما يهاب الكبيره
واقف شمال وواقفن للجزيره
كفه عديم ولا يهاب الخطيره
كل المشاكل بعد ربي يحله

تنخاكم امه وترتجي منكم العون
من بعد قرة عينها ضاق به الكون
كنه بسايل دمعها تقول تكفون
تكفون ودموعه بعينه تهله

انتم هلي لا مانخيت البعيدين
تطنون لامن كشر البين للبين
فكو محمد وينكم يالسلاطين
هذا وله عامين محدن وصل له

وانا اعرفكم بالوغا ماتهابون
ولا كشرت بانيابها انتم تسدون
وليا انتخيتو عزنا ساعة الكون
حطيتو بكبد المعادين عله

صقور شمر ماكره فوق الامجاد
الله خلق ربعي على العالم اسياد
من نينوى ايلين تاصل لبغداد
متكاتفه والذل لا ما دخل له

زهيد ربعي بالمواقف دهايا
كبار ولاتصعب جميع القضايا
يامحمد اصبر جتك كل الطنايا
والقيد غصب بعون ربي تحله

يا لابتي بالفزعه الصيرميه
نبي نتوحد لو ندوس المنيه
نموت ولا تبكي لنا شمريه
الموت ولا عيشه بغبن ومذله

كل قول قلته له براهين واثبات
قلته بربعي مسطرين البطولات
ماقلته مدور كلام وشعارات
وامانتن كل جهدكم تبذلونه
=-=-=-=-=-=-=-=-=-=-=-=-=-=-=-=