شيلة جي كلاس | كلمات محمد الحمادي اداء نياف تركي 2022

تصميم : مساعد البراك

شيلة
اهداء الى رجل الاعمال : سعود بن عمر الحبيل

لايك للفيديو + إشتراك معنا


فعل الجرس 🛎
ليصلك كل جديد ✔️


للتواصل
سناب شات
  / msa3d_albrrak  
تلجرام
👇🏻👇🏻👇🏻
https://t.me/msa3d_albrrak

شيلة

جديد 2022
عتيبه
طرررب
طرررب
الحمادي


كلمات القصيدة

قربوا لي طارة ..... اللي لا اجار ولا هديّة
مانشد عن قيمته في صالة العرض الحياوي

جي كلاس اسود ولون الجوخ الاحمر داخليّه
الغزيز .... اللي تضخ مكيفاته عود جاوي

ما يصدَّر .... غير لديار الشعوب المخمليّة
ولا يسوقونه هل الطلبات راعين الرجاوي

من هدوّه كنّ صوته محرّكة ضحكة بنيّة
ومن عزومه من بلاد اصناعته ردّ البراوي

ايتمشّى في تهاتيه الفجوج المهمهيّة
كنّ في راسه علوم وكنّ في صدره حكاوي

يوم ادير ازرّة التسجيل واصقع سامريّه
ايتنطّح غبّة التسعين .. والسيل النحاوي

امتوقّع ... والوعد قدّام .. والنيّة مطيّة
و ايحفظني ربي المعبود بالامر السماوي

ما يجي للرجل من بين الرياجيل أفضليّة
غير في يومً اتْحذف الشمغ وتلّج العزاوي

تُنجب الابطال من ظهر المناخ وبطن هيّه
والدليل شريم بن عصاي وبخيت العطاوي

وتُنجب الشعار من رحم الحروف الابجدية
وانشدوا فرّاج بن ريفه .. وفجحان الفِرِاوي

والقصيد اللي ما ياخذ فالتصاوير اسبقيّه
مجدبً قاعه شحيح النبت .. واديّه سناوي

لكن اللي يمطر الساحة ... شعور وشاعرية
لا تقدّم في اول الطابور .. والله ما يراوي

يرجع الصايك حوار .. وترجع الفاطر ثنيّه
لو يلّحف شرّد الأفكار بالبشت الحساوي

مايحرّض هاجس الشاعر هديل الراعبيّة
كود لامنّه هزع متنه .. جميلً من غناوي

كيف ابـ اجزا من عطاني قبل ما اسآله عطيّه
في نهارً ماتجي فيه النتايج بالتساوي

مسرج خيولي ... وانا بن روق خيّال العبيّة
واتحزم بالحبيل اللي على الفزعة رهاوي

يالحبيل سعود ... تزهاك البيوت النخبوية
وانت الاسم اللي نكافح به مع الناس الدعاوي

يالخويّ اللي يشرّف كل من عدّه خويّه
ياسليل الجود والامجاد .. يالحر النداوي

يوم كافل لك يتيم .. ويوم متبرع لديّه
ويوم معطي لك فقير .. ويوم مغني لك شواوي

نشكر اللي مدّته من عشر الاف الين ميّه
لكن المليون يرخص قدرها شيخً فداوي

انت منصى للامور الكايدة والمفصليّة
وانت ميزان العدالة وانت مزبان الجلاوي

وانت حلاّل القضايا كل ماصكَت قضيّة
وانت ستر الجادل ام خضاب ضافية الغطاوي

فالمقام وفالفعول وفالكلام الك اولويّة
ما تقدم غيرك العتبان .... لكبار البلاوي

خابرين ان الندى ... ميكاره الكفّ النديّه
وهبة الله .... ما يحققها مكثّرة المناوي

مايعيّن من يضحّي عنه ... في عيد الضحيّة
البخيل اللي يصرّ الكيس ... واللاش الدناوي

وانت لا ناديت ربعك في المواقيف القويّة
كل سارح لاسمع داعيك يزهم كل ضاوي

جوك من كل الجهات الاربعة فيهم حميّة
ترثة اللي يوم طاح الشال عن غرّة مضاوي

أهل الامجاد الكبيرة والسطر والمقدرية
ربعي الروقه حماة الدار .. مخلفة الهقاوي