“Kwica PEREZIDA MUSEVENI birahendutse kuruta kurwana na we” Umugambi wa Perezida HABYARIMANA mu 1991

IBANGA RIKOMEYE, Kigali tariki 23 /5/1991.

REPUBULIKA Y’U RWANDA
MINISITERI Y’INGABO Z’IGIHUGU
IBIRO BYA MINISITIRI
AGASANDUKU K’IPOSITA (B.P.) 23 KIGALI
SRG

RAPORO Y’UBUTASI YA SRG MINADEF (SRG mu gifaransa)

A. MU BYEREKEYE IGISIRIKARE
1. Umugambi w’igitero simusiga Ubugande buzagaba ku Rwanda. (Attaque éventuelle par l’UGANDA)
Dukurikije amakuru akomoka ahantu hatandukanye, twamenye ko hari igitero simusiga kirimo gutegurirwa muri Uganda, kikaba kizagabwa mu gihe manda ya Perezida Museveni nka Perezida w’Umuryango w’Ubumwe bwa Afurika (OUA) izaba irangiye. Mu by’ukuri, Perezida Museveni, ufite ingabo ze bwite zigizwe n’abasirikare 60,000 ubu, bivugwa ko yageneye Inkotanyi abasirikare 20,000. Abo basirikare ubu bakaba baregeranyirijwe hamwe mu majyepfo y’Ubugande, aho barimo gukora imyitozo no gufasha ingabo z’Inkotanyi, ariko by’umwihariko bakaba barimo kumenyera intwaro nshya Inkotanyi ziherutse kwakira.
Nyuma yo kugenzura no guhuza aya makuru, hakurikiye ibintu bikurikira bituma aya makuru agomba gufatanwa uburemere buhanitse:
1. Nta gushidikanya ko intambara Inkotanyi zirimo ubu ari intambara igamije kutunaniza (guerre d’usure). Biragaragara neza ko ibikorwa byazo bigamije gukomeza igoye ndetse itunaniza kandi ikadusesagurira umutungo mu gihe zitegereje igihe cyo kugaba igitero kirimbuzi. Ikindi kandi, mu Nkotanyi (binyuze mu butumwa twakiriye) hagaragaramo morale n’ituze bidasanzwe, byatumye dutekereza ko hari isezerano rikomeye bahawe na Museveni.

2. Ibikorwa byo gushaka abasirikare (recrutements} mu gifaransa) biri gukorwa mu buryo bupanze neza mu Burundi, kandi Guverinoma y’u Burundi ibizi kandi ibireba ntigire icyo ibikoraho.
Rero byaba ari ukwibeshya turamutse dutekereza ko Guverinoma y’u Burundi idashyigikiye Inkotanyi, cyane cyane binyuze mu nzego zayo z’ubutasi.
Ibikorwa by’ubushotoranyi ku butaka bwa Uganda: (akaruhko gato ka 3 secs)
Ikibazo gikomeye kibangamiye ingabo zacu ku rugamba, ni uko zidashobora gukurikirana Inkotanyi ku butaka bwa Uganda, mu gihe zo zirasa ku birindiro byacu ziturutse hakurya y’umupaka. Ku miterere y’ibintu ubu, hari uburyo bwo gushaka aho ibirindiro by’Inkotanyi biherereye hakurya y’umupaka (nk’ibigo by’imyitozo, ibigo by’ibikoresho, n’ibindi...) maze hagatandukanywa uburyo bwo kubirimbura binyuze mu bitero bitunguranye (raids) bisomwanka nka RE mu gifaransa).
Ibi bitero byajyana no kwamamaza cyane ku ruhande rwacu tuvuga ko Inkotanyi zasubiranyemo ko hari ubushyamirane n’imirwano mu nzego z’imbere mu Nkotanyi. Ibi bitero bitunguranye byakumira Inkotanyi ntiyegeranyirize hafi y’umupaka wacu.
Guhungabanya Museveni: (akaruhko gato ka 3 secs)
Binyuze mu miryango yigenga yihariye, twatekereza ku buryo bwo kwica Museveni. Kumwica birashoboka. Ni yo mpamvu tugomba gutegura uwo mugambi.
Mu by’ukuri, ikiguzi cyo gusohoza uyu mugambi ni cyo gito cyane ugereranyije n’ikiguzi cy’intambara Museveni yatugabyeho (Past tensi). Inzego z’ubutasi bwa gisirikare zikore inyigo yimbitse kuri uyu mugambi