Alessio Bondì - Vucciria

Brano estratto da "Sfardo", l'album di esordio di Alessio Bondì (Malintenti Dischi // 800A Records - 2015).

Per info:
www.malintenti.it - [email protected]
www.800A.it - [email protected]

Ufficio stampa:
[email protected]

----------------------------------
Scappàvamu ri nichi e nichi
"Strata liscia, pista vascia!"
Iccati ddà nei viculicchi
A pieri in tierra, in tiesta ‘a guerra.
Me’ matri avieva ‘i sdillinchi, ch’i tiritanchi,
Mentri ìu spicava ch’i manu nei cianchi
Assicutatu ‘i tutti comu ‘u carru r’i santi.
“Sangu ru sagnu r’i me’ vini
si t’annagghiu t’i rugnu nei rini!”
Me’ matri nun lu sapi ca mi scassu ri forst
E poi satarìu attipu grillu
Una sardella
In capu a’ sella
In capu ‘nu quintale ‘i gel
Arrivu isannu in mienzu o’ burdiellu
Ma me’ matri chi voli capiri, si nun mi viri,
Ìu cercu l’amuri in mienzu ‘o Garraffaello.
Ciesca ciesca, ‘a chiazza
è un armalu chinu chinu ri tieste,
Chinu ri vrazza
A’ punt’a cantuniera incocciu quattru amici mia
Mi finisci ‘a cunfusioni er accumincia ‘a Vuccirìa

Ccà nun c’è nuddu ca nni rici niente
Nun c’è nuddu ca nni cunta favole
‘A matina abbannìu
A menz’jornu abbannìu
Tutta ‘a sira abbannìu
Arriva ‘a notti e fazzu vuccirìa

‘Atti ‘mmriachi runnègghiè
A unu a unu càrinu attipu niespuli
Unu lientu lientu pi lanzari s’arrassa
E viu ‘stu ciuri biancu, una cavadda ri razza,
Troppu delicata, troppu assistimata
Sulu sulu ca mi rici “ciònnami” c’una taliata
Smuntu r’u muturi
N’a me’ tiesta attacca ‘u film e ìu sugnu l’atturi
Anzi ìu e idda nuri
Chini ri sururi
Nni schiacciamu i punti nìvuri doppu l'amuri
Mi pigghiu ri curaggiu e ci ricu: “chi fa,
N’ammuttunamu ‘i birra fino a doppuruma’?”

Nun mi nni avieva addunato
A lato ‘i l’amuri miu
C’è ‘u so’ zito, acciuratu,
Cu’ un pezzu ri cutieddu ca pàrinu rui,
Unu in capu all’àvutru, simpatico,
Mi quartìu e ni viru n’àvutru, poi n’àvutru, poi n’àvutru...

Si mi scusassi e m’a svignassi,
Ma chi pienzi ca ‘un m’a scapuliassi?
Ma ormai addivintavu un armale
E l’antitetanica m’a fici a natale
P’un muzzicuni ri cane,
E ‘u culu ormai ‘un mi fa cchiù male
Trovu una vuci e ‘a jeccu supr’a Vuccirìa
“Ora viriemu cu è ca s’arrifardìa!”

Ccà nun c’è nuddu ca nni rici niente
Nun c’è nuddu ca nni cunta favole
‘A matina ìu abbannìu
A menz’jornu abbannìu
Tutta ‘a vita abbannìu
Arriva ‘a notti e fazzu vuccirìa

“Cu ‘i vagnò ‘i balati r’a Vuccirìa?"
Sunnu quattru contr’a unu
Iccati all'anciluni versu ‘i mia
‘A genti s’allasca a taliare,
‘A chiazza è un giru ri nasca, è un altare
E nui cinqu ddà nmienzu ‘o tagghiere
Haju un aumientu di frieve
Ogni vota ca unu avanza un piere
S’avvicinanu ma nun mi spostu n’arriere
Mi pari tutta una manu ca strinci supra ‘u pusiere
Cu fu ca ‘i vagnò ‘i balati r’a Vuccirìa?
S’u vegnu a sapìsciu m'allìsciu e poi m’u vasu tuttu
Ìu a vuàvutri vi futtu
Cu ‘sti balati lippusi
Vi fazzu càriri senza bisognu ca v’ammuttu
Infatti (sentiti chista, eranu quattru no?):
‘U primo sciddicò e ‘u sicunnu ci carìu in capu
‘U terzu li azziccò e sbattìu ‘a tiesta supra ‘na balata
‘U quartu si vutò e si firriò
S’intisi minacciato e s’a scapputtò
Comu fu, comu non fu
In mienzu a tutt’a genti arristamu sulu
Ìu e l’amuri miu, mischina, traumatizzata p’u riestu r’a vita
Siddu ‘a sienti parrari, nun havi cchiù parole
Ci prova siempre ma ormai s’a fira sulu a diri:
"Stump staz stupurutanz!"