Alma almaya bənzər (1975)

12+
Film qoca bağbanın yetişdirdiyi tumsuz və sehirli almaların insanlara xoşbəxtlik gətirmələri haqqındadır. Məsələn, sürücü Qurban gənc kolxozçu qız Mədinəyə vurulur, müəllimə dəcəl uşaqlarla dostlaşır, kobud poçtalyon mehriban, telefonçu isə diqqətli olur, yeddi qız atası Haşımın ailəsində nəhayət oğlan uşağı doğulur. Kənddə xüsusi növ alma yetişdirən Nadir baba, Mehdinin də təşviqi ilə bu alma növünü akademiyada təsdiq etdirmək istəyir. Almalar möcüzə yaratdığı kimi, sehrli meyvənin hesabına varlanmaq istəyənlər də meydana çıxır.
Film insanları düzlüyə, bir-birinə hörmət etməyə çağırır, xoşbəxtliyin yalnız halal zəhmətdə olduğunu göstərir.
Filmin çəkilişləri Qubada aparılıb.
Filmin işçi adı “Sehrli almalar” olub.

Rejissor: Arif Babayev
Ssenari müəllifi: Alla Axundova
Operator: Valeri Kərimov
Rəssam: Firəngiz Qurbanova
Bəstəkar: Ramiz Mirişli
Rollarda: Hüseynağa Sadıqov (Nadir baba), Fazil Salayev (Mehdi), Səfurə İbrahimova (Mədinə), Həsən Məmmədov (Qurban), İnarə Quliyeva (Aişə), Hacıbaba Bağırov (Məmmədəli), Firəngiz Şərifova (Güllü), Əhməd Əhmədov (Haşım)

İstehsalçı: Azərbaycanfilm
İlk baxış tarixi: 29.12.1975
Janr: komediya, musiqili