Bodulska - Klapa Greben, Vela Luka

kadrovi iz dokumentarnog filma “Tunolovci” (Branko Belan 1948.)

© Dejan Urošević

Bodulska
(tekst: Jakša Fiamengo, glazba: Zdenko Runjić)

More nas od škoja dili
I bez nas je pusta vala
Ka' da smo za život cili
Pobigli sa parangala

Sad smo ovdi usrid grada
Ni u kupe, ni u špade
Iza đige sunce pada
Gušt svoje gube marinade

Svi ti dani tako falši
Na krivu su pošli bandu
Još se digod skupe naši
U konobi na bevandu

I poteče nika pisma
I zadršće kala tisna
Pa se pije sve po judsku
Pa se piva po bodulsku

Pamtimo još tepla juga
Pozapodne isprid kina
Ka' da nan se svima ruga
Život, igra berekina

Sve to lipo ča se praši
Briše vrime ka pinelon
Pripoznat se mogu naši
Po starinsku sa lumbrelon

Svi ti dani tako falši
Na krivu su pošli bandu
Još se digod skupe naši
U konobi na bevandu

I poteče nika pisma
I zadršće kala tisna
Pa se pije sve po judsku
Pa se piva po bodulsku