金秀賢戀情風波持續發酵 再被連環爆向金賽綸發調情訊息

金秀賢戀情風波持續發酵 再被連環爆向金賽綸發調情訊息

韓星金秀賢同已故女星金賽綸由3月10號爆出，持續發酵至今，金秀賢一方只承認喺金賽綸成年後相戀交往，並非外傳嘅從2016年起，同未成年嘅金賽綸交往長達六年。

而金賽綸家屬持續透過律師，以及網上頻道「橫豎研究社」公開金秀賢從金賽綸未成年時已經交往嘅證據。3月27號，金賽綸家屬召開記招，以家屬代表律師以及網上頻道嘅代表現身，公開多條聲稱係金秀賢喺2016年期間向金賽鑰發出嘅多條有性暗示嘅調情短訊。

當中包括金賽綸向金秀賢發出親嘴嘅訊息，金秀賢回應：「日後要真的親一下」，金秀賢又喺對話中表達想「一起睡覺」嘅意思，亦問「還要等一年嗎？還是三年？一年再多六個月嗎？到時候就沒有規限的意思。」而發生對話嘅當時，金賽綸仍未成年。

記招上，代表律師表示金賽綸收到七億韓元追債信後大受打擊，更向友人表示想自殺念頭。而代表律師亦展示金賽綸一封未寄出嘅親筆信，金賽綸喺信中表示，希望同金秀賢解開誤會，亦向公開兩人合照道歉，坦言金秀賢迴避聯絡嘅行為令佢感到時間變得空洞同荒唐。代表律師表示家屬並非外間所指，為錢而公開二人關係，只希望金秀賢唔好再講大話並公開道歉。至於「橫豎研究社」代表金世義就呼籲大家唔好企喺權力大嘅娛樂公司一邊，要為真相抗爭同努力。

而「橫豎研究社」同日再向外界發放一條疑似係金秀賢喺巴黎工作時，向未成年時期嘅金賽綸發出嘅視頻，當時飲醉酒嘅金秀賢不斷對櫥窗中嘅性感內衣高談闊論，又話韓國並無好似模特兒公仔一樣嘅身材，更笑言有一對路人父女望住自己，嗰位少女更露出驚訝神色。

#金秀賢 #金賽綸 #橫豎研究社 #韓國 #未成年 #調情 #戀情風波 #巴黎 #性感 #真相 #韓流 #性暗示 #爆料 #親筆信 #內衣 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0