28 November 2025

📰 व्यास–पराशर क्षेत्रमा सरसफाई अभियान सुरू : मादी–सेतीलाई दुर्गन्धित हुन नदिने ढुंगानाको प्रतिज्ञा
अमरराज नहर्की, तनहुँ — मंसिर १२
व्यास नगरपालिका–४ दमौली निवासी भाग्यशाली ढुंगानाले मादी र सेती नदीलाई काठमाडौंका वाग्मती–विष्णुमती नदीको जस्तै प्रदूषण र दुर्गन्धबाट जोगाउन लक्ष्यसहित व्यास–पराशर सरसफाई अभियान औपचारिक रूपमा प्रारम्भ गर्नुभएको छ ।
महर्षि वेदव्यासको जन्मभूमि, पराशर ऋषिको तपोभूमि तथा मत्यादेवीको प्रकाट्यस्थलका रूपमा चिनिने व्यास–पराशर क्षेत्रलाई स्वच्छ, पवित्र र पर्यावरणमैत्री बनाउने उद्देश्यले अभियान निरन्तर रूपमा सञ्चालन हुँदै गएको छ ।
व्यास नगरपालिकामा सरसफाई शाखाका प्रमुखको रूपमा लामो समय काम गरिसक्नुभएका ढुंगानाको अनुभव र प्रतिबद्धताले अभियानलाई बलियो आधार दिएको छ ।
उहाँले स्थानीयलाई अपिल गर्दै भन्नुभयो —
👉 “हाम्रो पवित्र नदीनालालाई फोहर र दुर्गन्धले ग्रस्त हुन दिँदैनौं । नदी र किनार संरक्षण हाम्रो सामूहिक दायित्व हो ।”
अभियानप्रति धार्मिक तथा आध्यात्मिक क्षेत्रका अभिभावक संस्थाहरूले पनि दृढ समर्थन जनाएका छन्।
🔸 व्यास अन्नक्षेत्रका प्रमुख संरक्षक शान्तिस्वरुपानन्द दमोदर बाबा
🔸 संरक्षक गोविन्द बाबा
🔸 ध्यानाचार्य खेमराज अधिकारी
सबैले व्यास–पराशर क्षेत्रलाई स्वच्छ राख्न समुदायलाई सक्रिय सहभागिताको आग्रह गर्नुभएको छ ।
“सरसफाई केवल भौतिक काम होइन, चेतनाको यात्रा हो,” संरक्षक गोविन्द बाबाको भनाइ थियो।
त्यस्तै ध्यानाचार्य अधिकारीले “प्रकृतिको सम्मान गर्नु नै पुण्य हो,” भन्दै नियमित सरसफाई प्रवर्द्धन गर्न आग्रह गर्नुभयो ।
ढुंगानाको नेतृत्वमा सञ्चालन भइरहेको यो अभियानलाई स्थानीय संघ–संस्था, युवासमूह र स्वयंसेवकको समन्वयमा दीर्घकालीन कार्यक्रमका रूपमा विस्तार गरिने तयारी गरिएको छ ।

✔ अब तपाईंको पनि भूमिका छ
मादी–सेतीलाई स्वच्छ राख्ने अभियान कागजमा मात्र होइन, हाम्रो व्यवहार र सहभागितामा निर्भर छ।
👉 तपाईँले कमेन्टमा आफ्नो धारणा लेख्नु भयो भने अभियानमा हौसला थपिन्छ।
👉 सियर गर्नुभयो भने यो खबर धेरैको कानमा पुग्छ र सहभागिता अझ बढ्छ।
“हामी बोल्यौं भने मात्र होइन, उठेर लाग्यौं भने व्यास–पराशर फेरि चम्किन्छ।”
#CleanVyas #SaveMadiSeti #ParasharCampaign #EnvironmentNews #Tanahun #CommunityCleanUp #tanahun #nepalnews #viral #तनहुँ