لعريس امالو

عيب لعيس عند اهل البادية
عادة ليلة العرس
شور يلالي لعريس امالو :اكطاع ازوين
الاول:
ذالشور لكلتو فيه إبليس@ولاه طاريلو من مذالو
وهذماه مارت ذ لعريس@يكون ايلعاد اطرالو
الثاني
لعريس اصلو من تطراكو@عاطي ذاك لفيه اتسالو
ولي متولي شي ظاكو@ ذاك اسنبيت اثرو كالو
الثالث
لعريس لهون امشعمد@ماخلكتلو هوك امالو
ينعتلك كانو مكعد@هون احذان بعد احلالو
الرابع
لعريس لمنو فلشي @ولي منكم يتحمجالو
البارح ماه جابر شي @حت اليلة والو
الخامس
لعريس اليلة كالظ يم @لاه يحتل بيه اعيالو
ولا خالك لو كون اتم@اصبو فم افسروالو
السادس
لعريس اكعد واحد تلو@واحجلو ذاك لكالو
هو ذ ماه حاجلو @هو ما يحجلو والو
السابع
وابل اعريس لطف يالجواد@يعط لمشابه من مالو
واتم الا يعيب زاد @يخليكم لعريس امالو
الثامن
هو زين وذاتو زين@وزيت ربطت سروالو
لخاطي وجهو وجدو@راح الليل اعل عدالو
التاسع
لعريس ايبات امحاجلها @حالو يكفي عن سؤالو
وايلعاد لماظاك لها@ذاك المعيوب ازفالو
العاشر
يخوتوني لعريس اشبيه @سامك سروالو مذالو
ماه متكلم وامن امجبه@ساكت وامكنطط فعيالو
ههههههههههههههههههههههههههه
للأصالة عنوان