အာဏာသိမ်း စစ်ကောင်စီကို ဆန့်ကျင်ဆန္ဒပြပွဲသို့ လာရောက်ပူးပေါင်းကြဖို့ ကိုရီးယားနိုင်ငံရောက် မြန်မာ …

အာဏာသိမ်း စစ်ကောင်စီကို ဆန့်ကျင်ဆန္ဒပြပွဲသို့ လာရောက်ပူးပေါင်းကြဖို့ ကိုရီးယားနိုင်ငံရောက် မြန်မာတွေကို MFDMC ဖိတ်ခေါ်
………………………………..
ဩဂုတ် ၁၉

မြန်မာ့ ဖက်ဒရယ် ဒီမိုကရေစီ အောင်နိုင်ရေးအဖွဲ့ ပေါင်းချုပ် (MFDMC) ထောက်ပို့တပ်၊ တော်လှန်ပြည်သူတွေနဲ့ မြန်မာ့ဒီမိုကရေစီအရေး အားပေးထောက်ခံကြတဲ့ ကိုရီးယား လူမှုအဖွဲ့အစည်းတွေ ပူးပေါင်းပြီး ကိုရီးယားနိုင်ငံရဲ့ မြို့ ၃ မြို့မှာ စစ်အာဏာသိမ်းမှု ဆန့်ကျင်ရေး ဆန္ဒထုတ်ဖော်ပွဲတွေကို တစ်ရက်တည်း ကျင်းပသွားကြမယ်လို့ သိရပါတယ်။

မြန်မာနိုင်ငံရှိ အာဏာသိမ်း အကြမ်းဖက် စစ်ကောင်စီကို ဆန့်ကျင်တဲ့ ဒီဆန္ဒပြပွဲတွေကို ကိုးရီးယားနိုင်ငံ၊ ဆိုးလ်မြို့ (ဆောင်းဒုံးဂူ)ရှိ မြန်မာကောင်စစ်ဝန်ရုံးအနီးနဲ့ ‌ဂယောင်ဂီ ဖြောင်းထက်ဘူတာရှေ့တို့မှာ ဩဂုတ်လ ၂၀ ရက်၊ တနင်္ဂနွေနေ့ နေ့လယ် ၁၂ နာရီကနေ ၃ နာရီအထိ ကျင်းပသွားမှာ ဖြစ်ပြီး အင်ချွန်းမြို့ ဘူဖြောင်းအဝိုင်းမှာတော့ ဩဂုတ်လ ၂၀ ရက်၊ တနင်္ဂနွေနေ့ နေ့လည် ၁၂ နာရီကနေ ညနေ ၅ နာရီအထိ ကျင်းပသွားမှာ ဖြစ်ပါတယ်။

ကိုရီးယားနိုင်ငံက မြို့ ၃ မြို့မှာ ဩဂုတ်လ ၂၀ ရက် တနင်္ဂနွေနေ့မှာ ကျင်းပမယ့် ဒီဆန္ဒပြပွဲတွေမှာ ကိုးရီးယားရောက် မြန်မာတွေ ပူးပေါင်းပါဝင်ပေးကြဖို့ မြန်မာ့ဖက်ဒရယ်ဒီမိုကရေစီအောင်နိုင်ရေးအဖွဲ့ပေါင်းချုပ် (MFDMC) ပြည်ပထောက်ပို့တပ်ဖွဲ့က ပြန်ကြားရေးတာဝန်ခံ ကိုလင်းအိမ်က ပြောပြပါတယ်။
……….
နှင်းမြ
#ငွေမောင်းသံ မီဒီယာ