حصريا|يازينك وزين الرياض|من روائع الشعار|عبدالرحيم القحم|سالم الذيباني|أداء صقر القثمي ومحمد باعمر

#جــدييــد_وحــصـــري
#يازينك_وزين_الرياض
#من_روائع_الشعار
#عبدالرحيم_القحم_العمودي_ابورائد
#سالم_أحمد_الذيباني_أبوهيثم
#أداء_الـفــنـان
#صقر_القثمي
#محمد_باعمر
#مونتـاج_واشراف
#ابوراكان_المشجري


بورايد
قال القحم اومر تمن
واحنا دافعين الثمن
امرك ماعليه اعتراض
يازينك وزين الرياض

خدك مثل شخب اللبن
والشامات فوق الوجن
مثل الحبر فوق البياض
يازينك وزين الرياض
..
بوهيثم

بوهيثم عيونه سكن
لاجلك ياتريف البدن
هذا صدق مش افتراض
يازينك وزين الرياض

قبل ايام زرت اليمن
صنعا والمكلا وعدن
ماتعجب ولا القلب راض
يازينك وزين الرياض
.......
بورايد

ماقلت انني باقنع
من ارضي ولا باشبع
من وديانها والغياض
يازينك وزين الرياض

يومك تستحق الدلع
من خانك عسى له وجع
يامشفي جميع المراض
يازينك وزين الرياض
.....
بوهيثم

باجاوب على من بدع
وانته ياحبيبي سمع
بكتب الحروف العراض
يازينك وزين الرياض

قلبي فيه ماشي وسع
كل من جاه قله رجع
شله ذي يهيض هياض
يازينك وزين الرياض
....
بورايد

ذي تلقيه ماهو سوا
تمنع ع المريض الدوا
لاجل اهل القلوب الغلاض
يازينك وزين الرياض

قلبي بالفراق انكوى
لاتذكرك زام الهواء
دمع العين ع الخد فاض
يازينك وزين الرياض
...
ابوهيثم

ذي هو ع فراقك نوى
بيبعيك سوا او غوى
بعد العشق صار انقراض
يازينك وزين الرياض

خلي عالي المستوى
قلبي حيث يضوي ضوى
في عهد الوفاء والتراض
يازينك وزين الرياض
بو رايد
ماحد مثل زين القبل
لاعض شفته من خجل
ظنيته على التوت عاض
يازينك وزين الرياض

حتى الزين فيه اكتمل
والسانه تقطر عسل
باحافظ عليه احتفاض
يازينك وزين الرياض

بو هيثم
في العشقة ضربك مثل
لاتبدل بخلك بدل
حاكم لاجل عشقه وقاض
يازينك وزين الرياض

لاتفرح صحاب النغل
لاشفت الخطا والخلل
مل منه وعنه تغاض
يازينك وزين الرياض

بو رايد
ياذي منتظر للزعل
لاتعطي لقلبك امل
بالماء غسله والرحاض
يازينك وزين الرياض

ماشي ريح هزت جبل
عشقه لاطلع مانزل
من ذي قال فيه انخاض
يازينك وزين الرياض

بو هيثم
من حبك وعنك سال
حبه يالعمودي دبل
ماشي في المحبه فواض
يازينك وزين الرياض


في العشقه بنينا دول
وارميناه في المعتقل
ذي في سيرة الزين خاض
يازينك وزين الرياض

بو رايد
ماشي فيك شك من دخل
والا قال وين البطل
بتعارضه وقت العراض
يازينك وزينك الرياض

خلي له بقلبي محل
ماهميت من بيزعل
بعلن في جريدة عكاظ
يازينك وزين الرياض

بو هيثم
لاحبيت مثلي فعل
خل القول مثل العمل
واسقه فوق خير الحواض
يازينك وزين الرياض

من زمزم سقيته وقل
ان الله عز وجل
عوضني بعشقه عواض
يازينك وزين الرياض