ფენოვანი ქადა

ფენოვანი ქადა, ძალიან გემრიელია, ძალიან მარტივი და ისევ ბიუჯეტური და ბარაქიანი.

▶️ ვიდეორეცეპტი-
   • ფენოვანი ქადა  

ინგრედიენტები:

1 კვერცხი
200 მლ.მაწონი
50 გრ. შაქარი
მწიკვი მარილი
200 გრ. კარაქი ან მარგარინი
500 -600 გრ. ფქვილი
( გააჩნია მაწვნის სისქეს)

გულსართისთვის:
100 გრ. კარაქი ან მარგარინი
200 გრ. ფქვილი
200 გრ. შაქარი
ვანილი
მწიკვი მარილი

მომზადება

📌 500 გრ.ფქვილში ავაფხვიეროთ 200 გრ. კარაქი ან მარგარინი, 50 გრ.შაქარი მწიკვი მარილი, ცალკე 200 მლ.მაწონში ავურიოთ ნახ ჩ.კ.სოდა და გავაჩეროთ 2 წთ.
შემდეგ კი მას დავამატოთ 1 კვერცხი.
ფქვილის მასას გავუკეთოთ ჩაღრმავება და მასში ჩავასხათ კვერცხიანი მაწონი.
მოვზილოთ ცომი, რომელიც შემდეგ 1 სთ. შევდგათ მაცივარში.
☑️ სანამ ცომი ცივდება, მოვამზადოთ გულსართი.
მოვხალოთ 200 გრ. ფქვილი , გავაცივოთ, შემდეგ კი დავამატოთ მწიკვი მარილი, ვანილი, 100 გრ. კარაქი ან მარგარინი და ავაფხვიეროთ, შემდეგ კი დავამატოთ 200 გრ.შაქარი. გულსართი მზადაა.
ცომი დავყოთ ერთ დიდ და 3 თანაბარ ნაწილად.
საცხობ ფირფიტას მოვაპნიოთ ფქვილი, გავაბრტყელოთ თხლად ცომის დიდი ფენა და ჩავაფინოთ საცხობ ფირფიტაზე ( ჟარონაზე) , ზემოდან მოვაყაროთ ქადის გული,
გავაბრტყელოთ მეორე ფენა და ისიც დავადოთ ზემოდან, ახლა კი ამას მოვაყაროთ ქადის გული , ასე ყველა ფენას, ზედას გარდა.
როგორც აჩმას ისე ვალაგებთ. ბოლოს კი ქვედა დიდ ფენას ამოვუკეცოთ გვერდები და დავაფინოთ ზედა ფენა
დავჭრათ სასურველ ზომის და ფორმის ნაჭრებად.
სათითაოდ გადმოვიღოთ ქაღალდდაფენილ "ჟარონაზე", წავუსვათ კვერცხის გული და წინასწარ გახურებულ ღუმელში გამოვაცხოთ 180 გრადუსზე.
შეგიძლიათ გადმოღების გარეშეც გამოაცხოთ , მაგრამ ასე უფრო გვერდებიც ებრაწება და ხრაშუნებს.
უგემრიელესი ქადაა .არ ინანებთ თუ მოამზადებთ ❤️ 30/40 ზე საცხობი ფირფიტის სავსე ქადა გამოდის. ბარაქიანიცაა და გემრიელიც, მარტივიც და ბიუჯეტურიც.

🧑‍🍳🏠📺მეტი რეცეპტების სანახავად ეწვიეთ : ფეის-გვერდი:  / shin2975  

 ინსტაგრამ- გვერდი: https://instagram.com/shinauruli_home...

იუთუბი არხი:    / @shinauruli