ახალშენის მცხოვრებლები სასმელი წყლის მიწოდებას ითხოვს
Автор: Sulkhan Meskhidze
Загружено: 2014-05-12
Просмотров: 299
ავტორები: სულხან მესხიძე, რუსლან დავითაძე, რამაზ ფანცულაია |
სოფელ ახალშენის მკვიდრს თამაზ ბერიძეს უკვე მეორე წელია სასმელი წყალი სახლიდან ერთი კილომეტრის მოშორებით მდებარე წყაროდან მოაქვს. ამბობს, რომ დღეისათვის მსგავს მდგომარეობაში 100-მდე ოჯახია. მისივე მტკიცებით, სასმელი წყალი სოფელს ხშირად შეფერხებით, ბოლო 20 დღეა კი საერთოდ არ მიეწოდება. ადგილობრივები დღეს სოფლის ცენტრში შეიკრიბნენ და სასმელი წყლის დროულად მიწოდება მოითხოვეს.
ადგილობრივების პრობლემებს დღეს ხელვაჩაურის მუნიციპალიტეტის საკრებულოს დამოუკიდებელი დეპუტატი გაეცნო. ვახტანგ კახიძის ინფორმაციით, გამგეობამ 2014 წელს წყლის სათავე ნაგებობის რეაბილიტაციასა და მილების გაყვანისთვის 600 ათას ლარამდე დახარჯა, ამიტომ მისთვის გაუგებარია, რატომ არ მოგვარდა წყლის პრობლემა სოფელში. იგი ამბობს, საკითხს პირად კონტროლზე აიყვანს და მიზეზების გარკვევას შეეცდება.
საპირისპიროს ამტკიცებს ახალშენის თემის რწმუნებული მერაბ მგელაძე. მისი განმარტებით, სოფლის მოსახლეობას სასმელი წყალი შეუფერხელად მიეწოდება. რწმუნებული არ გამორიცხავს, რომ ადგილობრივები სასმელ წყალს სარწყავად იყენებენ, რის გამოც წყლის სათავე ნაგებობა დროზე ადრე იცლება.
თემის რწმუნებულის განცხადებით, სამომავლოდ პრობლემის თავიდან აცილების მიზნით, ღამით წყლის სათავე ნაგებობის გადაკეტვა იგეგმება. ხოლო მოსახლეობას სასმელი წყალი დღის განმავლობაში შეუფერხებლად მიეწოდება.
Доступные форматы для скачивания:
Скачать видео mp4
-
Информация по загрузке:
