Ohista Jamshid and DalaHast - "Bo'salar".

Ohista Jamshid and DalaHast "Bo'salar".
Music by DalaHast;
lyrics by Tillaniso Nuryog'di;

Vocal: Ohista Jamshid
Guitar: Farkhod Esanov
Doira: Ziyovuddin Khasanov
Flute: Sogayl Safi

Video: Husniddin Ato, Marjona Khidirova, Gulchehra Omon
---------------------------------------------------------------------------------
БЎСАЛАР
1
Бағрим орасидан таралади иситма,
Олов, чўғ бўлиб ерга тортар лошимни.
Кўзларимда оловнинг тафти.
Ерда ётган барги хазонлар
Бағримдаги ҳарорат билан
Ўтли сирлашар.
Бундай ўтни кўрмаган дунё,
Дунё кўрмаган бу сакийнатни.
Ҳаммаси иситма аралаш бир хаёл…
Сен чиқиб келасан йўқлик қаъридан,
Иситма аралаш бир туш ҳаммаси.
Биз титраб турамиз замоннинг қаърида — жуфт шарпа.
Бир ёй каби устимизга эгилади чексизлик,
Бизни қуршаб ётар замон, йўқлик ва дунё.

Мен сени бўсаларга кўмаман
Ва туннинг баданини ҳам.
Бўсадан кетар у ёришиб.
2
Ҳамдардликнинг энг гўзал шакли бўлар бўсаларимиз.
Юқтираман сенга ҳатто танамдаги иссиқ дардимни ҳам.
Ва балки жисмимизни ечиб ётоққа
Кетурмиз иккимиз кўчаларда сайр этиб.
Ярасин ялаган икки ит каби,
Дардимизни кўзларга суртиб,
Кетурмиз.

Мен сени бўсаларга кўмаман
Ва туннинг баданини ҳам.
Бўсадан кетар у ёришиб.
Тилланисо, 2016