Şair Ceyhun Ağabəyov - Həkim
Автор: Elvin Hacəliyev
Загружено: 2022-01-23
Просмотров: 658
Həkim sən də bir cihazı qoşub qəlbimin üstünə,
Ürəyimin yazıların çəkib xətlə oxuyursan.
O gah yarımçıq döyünür, gah da köklənir bütünə,
İçindəki ziqzaqlari sən xətkeşlə oxuyursan.
Necə əsas götürürsən sən ürəyin yazısını,
O mani daim aldadıb öz köksümdə ola-ola.
Deyən deyil sevincini, deyən deyil ağrısını,
Sən kimsən ki onun üçün, səni də verəcək yola.
Nə biləcəksən nə edib, nə qədər hoqqa çıxarıb,
Öz gücündən o güc verib, yüz ağıllıya axmağa.
Haqlını yamaca atıb, haqsızı dağa çıxardıb.
Onun min səhifəsi var, səbrin çatmaz oxumağa.
Sən özünü də məni də aldadırsan axı həkim,
O ürək yüz əyriləri, minlərlə düzü aldadıb.
Deyir məndən yaranmısan, fərqi yoxdur doğub hər kim,
Bizi doğan analar da doğanda bizi aldadıb.
Eşqi baxır dörd qibləyə, min ağaya, min yetimə,
Hər yerimizdə döyünür, aldadır ki, solumuzdur.
Həkim özünü yorma sən, xəttə keşikçilik etmə,
O yazdığı əyri xətlər elə həyat yolumuzdur.
Доступные форматы для скачивания:
Скачать видео mp4
-
Информация по загрузке:
