Ирандағы наразылықтар соғысқа ұласа ма?

Ирандағы жағдай әлі де тынышталмай отыр. Елде жаппай наразылық жалғасып, билік оларды қатаң басып-жаныштап жатыр. Қазіргі жағдай қандай екенін ешкім нақты айта алмайды, өйткені 1 аптадан бері елде интернет істемейді. Наразылыққа шыққандар арасында да, полицияда да көз жұмғандар, жарақат алғандар саны өте көп. Түрлі құқық қорғаушылардың деректері әрқилы, мәселен, Iran Human Rights ұйымы үш мың жарымға жуық шеруші қаза болды деген дерек жариялады, бірақ бірнеше сенімді ақпарат көзі осы күндері Иранда мерт болғандар саны 20 мыңнан асты деген хабар таратып жатыр. Кемінде 18 мыңнан астам адам ұсталды. Нақты сандар ресми деректерден әлдеқайда көп болуы да ғажап емес.
АҚШ президенті Дональд Трамп әлеуметтік желісінде Иранға қолдау көрсетуге дайын екенін жариялады. АҚШ әскери басшылығы Иранға соққы жасаудың бірнеше нұсқасын Трампқа ұсынған. Төрткүл дүние АҚШ Тегеранға әуеден соққы жасайды деп күтіп отыр. Сол себепті бейсенбі күні Иран әуе кеңістігін де жапқан еді. Алайда ешқандай шабуыл бола қоймады.

Жүргізуші: Нағашыбек Алдан
Мәтін авторы: Бақытжан Ербасов

Telegram Qaz - t.me/QazAqparat_kz
Telegram Rus - t.me/kazinform_news
Instagram - / @kazinform_kz
Instagram - / @kazinform
Facebook - / @Kazinform
Facebook - / @Казинформ

Jibek Joly online: https://jjtv.kz/kk/live
Cайт - https://kaz.inform.kz/

#kazinform #қазақпарат #Жаңалықтар