الطباع والعادات | العقرب والضفدع

الطباع والعادات | العقرب والضفدع :- الطباع والعادات ليست دائماً سيئة ولا دائماً جيدة وليست الطباع والعادات الجيدة دائماً جيدة او السيئة دائماً سيئة ، الطباع والعادات الجيدة بعض الأحيان تكون سيئة ، والسيئة احياناً تكون جيدة ، والاهم من هذا الطباع تختلف عن العادات والعادات هي ليست طباع ، في الاسفل جزء من سكربت القصة .

بأحد الغابات الجميلة ويم ضفة نهر من الأنهار الي تمر بهاي الغابة چان اكو فد ضفدع محبوب ولطيف يحاول دائماً انو يتجنب المشاكل ويبتعد عنها ، وبأحد الأيام اقترب جندب من هذا الضفدع وجان الجندب متضايق وحزين ، سالة الضفدع عن سبب حزنة وچان رد الجندب لانة يريد يعبر لضفة النهر الأخرى حتى يكدر يوصل للسرب مالتة ويكون وياهم .

انقهر الضفدع على الجندب وقرر انو يساعدة وكلة اصعد على ظهري واني رح اعبرك لضفة النهر الأخرى ، وبالفعل عبر الضفدع الجندب للضفة الثانية ، وتشكر الجندب من الضفدع وصار يحس بالسعادة ، بس الجندب مو وحدة الي حس بالسعادة الضفدع ايضاً حس بالسعادة لانة ساعد غيرة .

بدة الضفدع يساعد باقي الحيوانات الي تريد تعبر من ضفة لضفة وچان دائماً يحس بالسعادة من يقدم المساعدة لغيرة ، وصارت مساعدة البقية حتى يعبرون ضفة لضفة عادة من عادات هذا الضفدع .

بأحد الأيام شب حريق بالغابة وبدت الحيوانات تتجه للنهر وتحاول تعبر من الضفة الي بيها الحريق للضفة الثانية ، وجان الضفدع يأدي العادة الي تعود عليها ويساعد الحيوانات الي متكدر تعبر على العبور .

كدر الضفدع يساعد الكل وچان باقي اخر حيوان ، لمن اقترب منة الضفدع عرف انة العقرب ، رفض الضفدع انو يساعد العقرب وكلة : ما اكدر اساعدك لان طبعك محلو طبعك هو الغدر والخيانة ، كال العقرب للضفدع مراح اكدر اغدرك واحنة بالمي لان ثنينة رح نغرك واني هم رح اموت وانت من عاداتك انو تساعد المحتاج واني حالياً محتاج انو اعبر للضفة الثانية ، اقتنع الضفدع بكلام العقرب وقرر انو يساعدة على العبور .

وبالفعل صعد العقرب على ضهر الضفدع وبدة الضفدع يعبر النهر ، الى ان وصلو لمنتصف النهر وبدة الضفدع يحس بحرگة والم جبير بضهرة ، سأل العقرب وكلة : ليش غدرتني ثنينة رح نموت ، العقرب مچان يعرف شلون يجاوب على الضفدع ، هز چتافة وگال ( تروح الروح والطبع ميروح ) .

صفحة شخصيات مٌميزة على الفيسبوك .
  / sppne  

صفحة شخصيات مٌميزة على الانستاكرام .
  / sppne  

قناة شخصيات مٌميزة على التلكرام .
https://t.me/sppne