#ព្រះបន្ទូលនៃសេចក្ដីពិតសម្រាប់ថ្ងៃច័ន្ទ
Автор: ការកើតជាថ្មី
Загружено: 2025-06-08
Просмотров: 40
#ចំណងជើងវីដេអូ៖ «អំណាចនៃអ្នកផ្ដើម(Protagonism)» The Power Of Protagonism
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃច័ន្ទ ទី០៩ ខែមិថុនា ឆ្នាំ២០២៥។
«អំណាចនៃអ្នកផ្ដើម(Protagonism)» The Power Of Protagonism
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
« មុនដំបូងគាត់រកស៊ីម៉ូន ជាបងបង្កើត ក៏ប្រាប់ថា យើងបានឃើញព្រះមែស្ស៊ីហើយ (គឺប្រែថាព្រះគ្រីស្ទ) រួចគាត់នាំបងទៅឯព្រះយេស៊ូវ… » (យ៉ូហាន ១:៤១-៤២)។
នៅក្នុងកិច្ចការងារនៃនគរព្រះ គឺត្រូវការអ្នកផ្ដើម ហើយយើងឃើញថាមានបុគ្គលបែបនេះនៅក្នុងព្រះគម្ពីរ ជាពិសេសនៅក្នុងដំណឹងល្អនៃយ៉ូហាន។ ទាំងនេះមិនមែនគ្រាន់តែជា អ្នកដើរតាមព្រះយេស៊ូវគ្រីស្ទតែមួយមុខទេ ប៉ុន្តែជាអ្នកផ្សព្វផ្សាយយ៉ាងសកម្មនូវកិច្ចបម្រើរបស់ទ្រង់។ សកម្មភាពរបស់ពួកគេបង្ហាញពីប្រភេទការងារបម្រើដ៏ពិសេសមួយ គឺជាតួននាទីនៃការផ្ដើមដ៏ល្អបំផុត។
ជាឧទាហរណ៍ នៅក្នុងយ៉ូហាន ១:៤០-៤២ យើងឃើញអនទ្រេ ដែលជាសិស្សម្នាក់របស់យ៉ូហានបាទីស្ទ ដែលបានបោះបង់ចោលអ្វីៗទាំងអស់ ដើម្បីដើរតាមព្រះយេស៊ូវ។ អនទ្រេមិនបានរក្សាការបើកសម្ដែងនេះសម្រាប់ខ្លួនឯងឡើយ។ ភ្លាមៗ គាត់បានទៅរកបងប្អូនរបស់គាត់ឈ្មោះស៊ីម៉ូន (ពេត្រុស) ហើយបានប្រកាសប្រាប់គាត់ថា៖ «យើងបានរកឃើញព្រះមេស្ស៊ីហើយ!» បន្ទាប់មកគាត់បាននាំពេត្រុសទៅឯព្រះយេស៊ូវ។
សកម្មភាពរបស់អនទ្រេជាការបង្ហាញពីដួងចិត្តរបស់អ្នកផ្ដើមដ៏ពិតប្រាកដ — អ្នកដែលចង់ឲ្យមានការរីកចម្រើន និងផ្សព្វផ្សាយកិច្ចបម្រើរបស់ព្រះយេស៊ូវ គឺជាការដែលអ្នកដទៃបានចូលរួមក្នុងគោលបំណបរបស់ទ្រង់ និងជួយគ្នាអនុវត្តការងាររបស់ទ្រង់ផងដែរ។ នៅថ្ងៃបន្ទាប់ ព្រះយេស៊ូវបានហៅភីលីពឲ្យដើរតាមទ្រង់។ ភីលីព ក៏ដូចជាអនទ្រេដែរ មិនបានរក្សាដំណឹងល្អនេះ សម្រាប់ខ្លួនឯងឡើយ។ គាត់បានទៅរកណាថាណែល ហើយនិយាយថា៖ «យើងបានឃើញព្រះអង្គនោះហើយ គឺជាព្រះដែលលោកម៉ូសេបានចែងទុកពីទ្រង់ នៅក្នុងក្រឹត្យវិន័យ ហើយពួកហោរាក៏បានទាយពីទ្រង់ផង ទ្រង់ព្រះនាមជា យេស៊ូវ ជាបុត្រយ៉ូសែប នៅភូមិណាសារ៉ែត »។
ណាថាណែលដំបូងឡើយមានការសង្ស័យ បានសួរថា៖ «តើមានអ្វីដ៏ល្អ អាចចេញពីណាសារ៉ែតមកបានឬទេ ភីលីពឆ្លើយឡើងថា ចូរតាមខ្ញុំទៅមើលចុះ?» ចម្លើយរបស់ភីលីពគឺសាមញ្ញ ប៉ុន្តែមានអំណាច។ គាត់បាននិយាយទៅកាន់ណាថាណែលថា៖ «ចូរតាមខ្ញុំទៅមើលចុះ» (យ៉ូហាន ១:៤៣-៤៦)។ នេះគឺជាអំណាចនៃការផ្ដើម។ អនទ្រេ និងភីលីពមិនត្រឹមតែ ដើរតាមព្រះយេស៊ូវប៉ុណ្ណោះទេ ពួកគេបាននាំអ្នកដទៃមកឯទ្រង់យ៉ាងសកម្មផងដែរ។ ពួកគេបានភ្ជាប់ជនជាតិយូដាដែលបានជឿលើព្រះរួចហើយ និងមនុស្សដែលគោរពដល់ព្រះ ទៅនឹងព័ន្ធកិច្ចរបស់ព្រះមេស្ស៊ី។
ដូចគ្នានេះដែរ នាពេលបច្ចុប្បន្ននេះ ដើម្បីធ្វើឲ្យព្រះនគររបស់ព្រះបន្តរីកចម្រើន យើងត្រូវការកងទ័ពដ៏ធំសម្បើមនៃរាស្ដ្ររបស់ព្រះជាអ្នកដែលបានប្ដេជ្ញាចិត្ត មានការលះបង់ និងតស៊ូយ៉ាងស្វិតស្វាញចំពោះដំណឹងល្អ។ យើងកំពុងធ្វើការផ្សព្វផ្សាយដំណឹងល្អពេញលេញមួយនៅឆ្នាំ ២០២៥នេះ។ ដូច្នេះ ចូរធ្វើជាអ្នកផ្ដើមនៃកិច្ចបម្រើនេះ! ចូរបន្តលើកទឹកចិត្ត និងប្រជុំរួមជាមួយនឹងមនុស្សដទៃ ដើម្បីឲ្យបានសម្រេចព័ន្ធកិច្ចដ៏ធំអស្ចារ្យនេះ។
វាពិតជាសំខាន់ខ្លាំងណាស់ សម្រាប់ការយល់ដឹងថា អ្វីដែលជាតួននាទីដែលយើងត្រូវតែធ្វើ ដើម្បីឲ្យមានការរីកចម្រើនដល់ព្រះនគរ, និងភាពចាំបាច់ដែលកងទ័ពរបស់ព្រះគ្រីស្ទត្រូវតែរួបរួមគ្នាឡើង ដើម្បីផ្លាស់ប្ដូរលោកិយ៍នេះ។ ជាពិសេស នេះគឺពេលវេលាដែលព្រះអម្ចាស់ជិតមកដល់ហើយ។
#ការអធិស្ឋាន
ឱព្រះវរបិតាជាទីស្រឡាញ់អើយ សូមអរព្រះគុណព្រះអង្គដែលបានធ្វើឲ្យទូលបង្គំ ក្លាយជាអ្នកផ្ដើម សម្រាប់ការរីកចម្រើននៃព្រះនគរ។ តាមរយៈទូលបង្គំ មនុស្សជាច្រើនត្រូវបាននាំចូលទៅក្នុងព្រះនគរ និងត្រូវបានចូលរួមជាកងទ័ពដ៏អស្ចារ្យរបស់ព្រះអង្គ ទាំងបំពេញគោលបំណងដ៏អស្ចារ្យរបស់ទ្រង់ ដើម្បីឲ្យការផ្លាស់ប្ដូរជីវិតនៅគ្រប់ទីកន្លែង។ ទូលបង្គំដើរក្នុងប្រាជ្ញា និងអំណាចនៃព្រះវិញ្ញាណបរិសុទ្ធ ដើម្បីមានឥទ្ធិពលដល់ការរីកលូតលាស់នៃព្រះនគរ ទូលបង្គំសូមអធិស្ឋាននៅក្នុងព្រះនាមព្រះយេស៊ូវ។ អាម៉ែន។
#ការសិក្សាបន្ថែម៖ យ៉ូហាន ៤:២៨-៣០ កិច្ចការ ៨:៤ ដានីយ៉ែល ១២:៣ ធីម៉ូថេទី២ ២:២
Доступные форматы для скачивания:
Скачать видео mp4
-
Информация по загрузке:
