જાણો, જામીન(Bail) વિશે સંપૂર્ણ માહિતી || Bail in gujarati || Studying Law with Dhruvin ||

જામીન એટલે શું ? || જમીનની સંપૂર્ણ માહિતી || Bail in gujarati || Studying Law with Dhruvin Patel ||

જામીનપાત્ર ગુનો અને બિનજામીપાત્ર ગુના લિંક 👉https://spkheda.gujarat.gov.in/compon...

jamin aetle shu ?



જાણો, જામીન(Bail) વિશે સંપૂર્ણ માહિતી

પ્રશ્ન : જામીન શું છે ?
જવાબ : કોઈ અપરાધની કાર્યવાહી અથવા સુનાવણી દરમ્યાન ધરપકડ થયેલ આરોપીને કેટલીક શરતો પર છોડી શકાય છે, જેને જામીન કહે છે. જામીનની જવાબદારી કાં તો વ્યક્તિ પોતે લે છે અથવા કોઈ અન્ય વ્યક્તિ લે છે.

પ્રશ્ન : જામીનપાત્ર અને બિનજામીનપાત્ર ગુનાઓ એટલે શું ?
જવાબ : જામીનપાત્ર ગુના એટલે તેવા ગુના કે જેને કાયદાએ જામીન લઈ શકાય તેવા જાહેર કર્યા છે. બિનજામીનપાત્ર ગુના એટલે જેમાં જામીન ન લઈ શકાય તેવા અન્ય ગુના.

પ્રશ્ન : જામીનપાત્ર ગુનાઓ અને બિનજામીનપાત્ર ગુનાઓ વચ્ચે શું તફાવત છે ?
જવાબ : જામીનપાત્ર ગુનાઓ અને બિનજામીનપાત્ર ગુનાઓ વચ્ચે નીચે મુજબ તફાવત છે.

જામીનપાત્ર ગુનો
• જામીન પર છૂટવાનો આરોપીનો અધિકાર છે.
• આવા ગુનામાં પોલીસ આરોપીને જામીન પર મુક્ત કરી શકે છે.

બિનજામીનપાત્ર ગુનો
• આરોપીને જામીન પર છોડવો કે કેમ તે અદાલતની વિવેકબુદ્ધિની સત્તાને આધિન છે.
• આવા ગુનામાં પોલીસને આરોપીને જામીન પર મુક્ત કરવાની સત્તા હોતી નથી..

પ્રશ્ન : જામીન કેવી રીતે મળે છે ?
જવાબ : જે ગુનામાં જામીન પર છોડી શકાય છે તેને માટે જામીન મળવા તે આરોપીનો અધિકાર છે. જામીન માટે જામીનપત્ર પર હસ્તાક્ષર કરવાના હોય છે. આની સાથે કોઈ વ્યક્તિના જામીન પણ જરૂરી છે. કેટલાક ગુના એવા છે જેમાં પોલીસે જામીન આપવા જ પડે છે.

પ્રશ્ન : શું જામીન રદ્દ પણ થઈ શકે છે?
જવાબ : હા, જામીન પર છૂટી ગયા પછી સાક્ષીને ડરાવી-ધમકાવી અથવા લલચાવી અથવા પુરાવાઓ સાથે છેડછાડ કરવામાં આવે તો જામીનની શરતોનો ભંગ થાય તો જામીન રદ થઈ શકે છે.


પ્રશ્ન : જામીનની અરજીમાં શું શું લખવાનું હોય છે ?
જવાબ :
• નામ તથા ધરપકડની તારીખ
• કયા ગુના માટે ધરપકડ કરવામાં આવી.
• સરનામું. ત્યાં કેટલા વર્ષથી રહો છો. કુટુંબનું સંક્ષિપ્ત વિવરણ.
• મકાન પોતાનું છે કે ભાડાનું કે પિતાનું ટૂંકમાં વિવરણ.
• ક્યાં કામ કરો છો? કેટલા વર્ષથી?
• શું આ પહેલા આપની ધરપકડ કરવામાં આવી હતી. (ત્યારે જ લખો જ્યારે તે સાચું હોય)
• લખો કે તમે આ ગુનો નથી કર્યો (ત્યારે લખો જો સાચું હોય).
• મારી આ પ્રાર્થના છે કે મને જામીન પર છોડવામાં આવે.
• તમારા અંગે કોઈ જાણકારી આપવા ઈચ્છો તો આપી શકો છો. જેમ કે હું .......... જગ્યાઓ/સમુદાયનો રહેવાસી છું .......... સમુદાય/સ્થાનના લોકો મને જાણે છે અને તેથી મારી ભાગી જવાની આશંકા નથી.

પ્રશ્ન : આગોતરા જામીન એટલે શું ?
જવાબ : જ્યારે કોઈ વ્યક્તિને એવી શંકા હોય કે તેની કોઈ બિનજામીન ગુનામાં ધરપકડ થઈ શકે છે તો કાયદામાં તેને સગવડ આપી છે કે તે સેશન્સ કોર્ટ અથવા ઉચ્ચ ન્યાયાલયમાં આગોતરા જામીન માટે અરજી આપી શકે છે. એટલે કે ધરપકડની સ્થિતિમાં તરત જ જામીન પર છોડી મૂકવામાં આવે.

પ્રશ્ન : આગોતરા જામીન માટે અરજી ક્યાં આપવાની હોય છે?
જવાબ : સેશન્સ કોર્ટ અથવા ઉચ્ચ ન્યાયાલયમાં.

પ્રશ્ન : આના માટે કઈ શરતો હોય છે ?
જવાબ :
• પોલીસ જ્યારે અને જ્યાં પૂછપરછ માટે બોલાવે ત્યારે હાજર રહેવું.
• સાક્ષીઓને ડરાવવા, ધમકાવવા, લાલચ આપવી નહીં.
• ન્યાયાલયની રજા મંજૂરી વગર દેશની બહાર ન જવું વગેરે.
• આગોતરા જામીનનો આદેશ થવાથી મેજિસ્ટ્રેટ પણ જામીન વોરંટ કાઢી શકે છે. ન્યાયાલયમાં હાજર થયા પછી શરત મુજબ જામીન અને મુચરકાં આપવો પડે છે.

પ્રશ્ન : જામીન લાયક ગુનાઓની જામીન ક્યાંથી મળે છે ?
જવાબ : જામીન લાયક ગુનામાં પોલીસ જ આરોપીને જામીન લઈ છોડી શકે છે. આને માટે આરોપીનો કોઈ સંબંધી અથવા ઓળખીતો વ્યક્તિ પોતાની જામીન પર આરોપીને છોડવાની જવાબદારી લે છે. જામીનની કોઈ મોટી રકમ નથી હોતી. કેટલાક રૂપિયાના જામીન પર જ આરોપીને છોડવામાં આવે છે.
• પોલીસ અથવા કોર્ટ જાત મુચરકાની સાથે સાથે કોઈ અન્યની એક અથવા વધારે જામીન આપવા માટે આદેશ આપી શકે છે. જામીનદાર ગુનેગાર ન હોવો જોઈએ. જેટલી રકમના બોન્ડ ભરવાનો આદેશ હોય તેટલી રકમ ચૂકવી શકવાની સક્ષમતાવાળા જ જામીન તરીકે રહી શકે છે. આવા જાત મુચરકાને સિક્યુરિટી બોન્ડ કહે છે અને જામીન થનારને જામીનદાર કહે છે.
•જો જામીન પર છૂટેલી વ્યક્તિ જામીનની શરતોનો ભંગ કરે તો જામીનની રકમ જપ્ત કરી શકાય છે અને જામીનદારે બોન્ડની રકમ સરકારને આપવી પડે છે.


Music supported by
@NoCopyrightMusicForCreators