იმ საზენიტო „ბუკის“ სერიული ნომერი დაადგინეს, რომლითაც მალაიზიური „ბოინგი“ ჩამოაგდეს

საერთაშორისო საგამოძიებო ჯგუფმა „ბელინგ ქეთმა“ იმ საზენიტო „ბუკის“ სერიული ნომერი დაადგინა, რომლის საშუალებითაც დონბასში მალაიზიური „ბოინგი“ ჩამოაგდეს.

ანგარიშში საუბარია, რომ „ემ-1“ ტიპის ბუკის კომპლექსი, რომლის ნომერია 332, რუსეთის 53-ე საზენიტო–სარაკეტო ბრიგადის შეიარაღებაში, კურსკში ირიცხებოდა.

როგორც „ბელინგ ქეთში“ განმარტავენ, კატასტროფის წინა და მომდევნო დღეებში უკრაინის აღმოსავლეთში ფოტოსურათით დაფიქსირებულია ბუკი, რომელზეც მხოლოდ პირველი და ბოლო ციფრები იკითხება.

ექსპერტებმა გამოძიების პროცესში შეისწავლეს სოციალურ ქსელებში გავრცელებული ფოტომასალაც, რისი საშუალებითაც შეძლეს დაედგინათ, არამხოლოდ შეიარაღების ტიპი, არამედ პირები, ვინც გასროლა განახორციელა.