सितम हुए कितने बताऊ क्या बाबा। Noha by sister Rabaab Zaidi (Nausheen)

#LYRICS
Sitam hue kitne batau kya baba
Mai dastan ghum ki sunau kya baba


1. Ali se shame gareeban mei jab mili zainab
Lipat ke baap ke sine se ro padi zainab
Bayaan karne lagi apni bekasi Zainab
Ghareeb ho gayi baba ye aapki zainab (2)

Na aaye aap mere intezaar se pehle
Chaman ujad gaya mera bahaar se pehle


Sitam hue kitne batau kya baba



2. Jab aaya mashq alam le ke nehr par ghazi
Tadap tadap gaya pani ko dekh kar ghazi
Najaf ki simt uthaye tha wo nazar ghazi
Sada ye deta raha sar ko peet kar ghazi (2)

Ye kaise mod pe mujhko hayaat layi h
Madad ko aaiye baba mere dohayi h

Sitam hue kitne batau kya baba


3. Mujhe bataiye aa kar mai kya karu baba
Mai hukme shah se tarahi par kar chuka qabza
Khada hu der se dariya me daal kr ghoda
Meri nazar me h chehra meri sakina ka (2)

Ajeeb dard me doobi meri kahani h
Sakina pyaasi h chullu me mere pani h

Sitam hue kitne batau kya baba



4. Jawaan ki lash pe aayi h jis ghadi laila
Pisar ko dekh ke behosh ho gai laila
Badi hi der talak hosh me na thi laila
Jo hosh aaya to keh kar ye ro padi laila (2)

Mera pisar meri ankhon ka ujala tha
Bade hi naazon se zainab ne tujhko pala tha

Sitam hue kitne batau kya baba



5. Lebaas q h tera khoon me tar batar beta
Kiya h kisne ye zakhmi tera jigar beta
Ye kis shaki ki tujhe lag gayi nazar beta
Mai ek pal na rahi tujhse be khabar beta (2)

Khayaal rakhti rahi teri zindagani ka
Utarti rahi sadqa teri jawani ka

Sitam hue kitne batau kya baba



6. Shaheed laal ki jungle me leke aaye husaain
Khade hue dare khaima pe sar jhukaye Hussain
Rubab haye tujhe kis tarah bulaye hussain
Tere pisar ko tujhe kis tarah dikhaye Hussain (2)

Mai tere laal ko pani nhi pila paya
Shaheed ho gaya asgar bacha nahi paya

Sitam hue kitne batau kya baba



7. Hai uske lab pe shaheedon ka tazkera masoom
Hai iske dil me basi yaade karbala masoom
Ye kar rahi h jo shabbir ki aza masoom
Rahega qayam o dayem ye silsila masoom (2)

Alam k saye me ye qaum saas leti h
Ise rasool ki beti dua deti h

Sitam hue kitne batau kya.......






Sitam huye kitne batau kya baba. Noha by sister Rabaab Zaidi (Nausheen)


Masha'Allah
Maula Salamat rakhe
🙏 AAMEEN 🙏