Раиси вилоят дар ноҳияи Вахш

#Раиси_вилоят_дар_ноҳияи_Вахш

САФАРИ КОРИИ ИҶРОКУНАНДАИ ВАЗИФАИ РАИСИ ВИЛОЯТИ ХАТЛОН БА НОҲИЯИ ВАХШ

Дар асоси дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ҷиҳати бунёдкорию созандагӣ бахшида ба ҷашни 35 солагии Истиқлолияти давлатии Ҷумҳурии Тоҷикистон, субҳи имрӯз иҷрокунандаи вазифаи раиси вилояти Хатлон муҳтарам Давлаталӣ Саид ҷиҳати шиносои аз рафти корҳои сохтмонии иншоотҳои ҷашнӣ ва мулоқот бо фаъолону сокинон ба ноҳияи Вахш сафари корӣ анҷом дод. Пеш аз вохӯрӣ бо фаъолон Давлаталӣ Саид ба аёдати собиқадори меҳнат Тағоева Садафмо рафта аз ҳолу зиндагияш пурсон шуда, маводҳои ғизои ба ин оила расонида шуд.
Тағоева Садафмо, собиқадори меҳнат буда, 10 майи соли 1941 дар оилаи хизматчӣ, дар ноҳияи Темурмалик ба дунё омадааст.
Соли 1958 оилаи онҳо ба ҷамоати шаҳраки Кирови ноҳияи Вахш кӯчида омадаанд. Садафмо Тағоева соли 1964 мактаби миёнаи №6-и ҷамоати шаҳраки Кирови ноҳияро хатм карда, худи ҳамон сол ба факулати филологияи Донишгоҳи миллии Тоҷикистон дохил шуда, соли 1969 онро бо ихтисоси филологи тоҷик хатм мекунад.
Солҳои 1969-1974 дар муассисаи таҳсилоти миёнаи умумии №6-и ҷамоати шаҳраки Кирови ноҳияи Вахш ба ҳайси омӯзгори фанни забон ва адабиёти тоҷик фаъолият намудааст.
Солҳои 1974-1987 дар вазифаи муовини раиси Кумитаи иҷроияи Шурои депутатҳои ноҳия, солҳои 1987-1990 Котиби Кумитаи ҳизби коммунист дар хоҷагии «Ленинград» -и ноҳия, солҳои 1990-1991 Инструктори шуъбаи ташкилии Кумитаи Ҳизби Коммунисти ноҳияи Вахш, дар соли 1992 методисти шуъбаи маорифи ноҳия, солҳои 1992-1994 ҷонишини раиси Кумитаи иҷроияи шурои депутатҳои халқии ҷамоати шаҳраки Вахши ноҳия, солҳои 1994-2000 Раиси ҷамоати шаҳраки Вахши ноҳия, солҳои 2000–2012 Директори маркази минтақавии хизматрасонӣ ба шахсони яккаву танҳои ноҳия, солҳои 2012-2017 омӯзгори муассисаи таҳсилоти миёнаи умумии №1-и ноҳия, солҳои 2017-2018 ҳамоҳангсози маркази захиравии минтақавӣ дар шаҳри Бохтари вилояти Хатлон фаъолият намудааст.
Падаршон Муродов Тағой соли 1917 дар ҷамоати Кангурти ноҳияи Темурмалик таваллуд шуда, корманди Комиссаритаи ҳарбӣ буда, соли 1943 дар Ҷанги Бузурги Ватанӣ ҳалок мегардад.
Модарашон Раҳимова Ҳоҷимо соли соли 1919 дар деҳаи Кангурти ноҳияи Темурмалик таваллуд шуда, соли 1992 аз дунё мегузарад.
Шавҳараш Гадоев Шодӣ соли таваллудаш 1940 буда, судиҷрои Суди ноҳияи Вахш, соли 2020 аз олам мегузарад.
Духтараш Гадоева Саодат соли таваллудаш 1977 маълумоташ олӣ, оиладор, соҳиби як фарзанд, дар шаҳри Душанбе зиндагӣ ва фаъолият мекунад.
Писараш Гадоев Рустам, соли таваллудаш 1986 оиладор ҳамроҳашон зиндагӣ мекунад.
Садафмо Тағоева Аълочии соҳаи меҳнат ва ҳифзи иҷтимоии аҳолӣ мебошад.

Боздид аз рафти корҳои сохтмонӣ дар Беморхонаи марказии ноҳияи Вахш

Дар идомаи сафар, иҷрокунандаи вазифаи раиси вилояти Хатлон муҳтарам Давлаталӣ Саид аз рафти корҳои сохтмонии Беморхонаи марказии ноҳияи Вахш шинос шуданд.
Мувофиқи «Лоиҳаи ҳифзи саломатии модару кӯдак ва беҳтар намудани самти ёрии таъҷилии тиббӣ дар ноҳияҳои вилояти Хатлон», дар асоси созишномаи грантӣ байни Ҳукумати Ҷумҳурии Тоҷикистон ва Ҳукумати Ҷумҳурии Федоролии Олмон оиди ҳамкориҳои молиявӣ ва маблағгузории бонки олмонии рушд ва барқарорсозӣ амалӣ шуда истодааст.
Таъмири асосӣ ва азнавсозии таваллудхона, сохторҳои ёрирасон, барқароркунии коммуникатсияҳои муҳандисии берунаи беморхона, аз 21 июли соли 2020 аз тарафи ҶДММ «Манорасохтмон» идома дошта, дар рафти корҳои сохтмонӣ беш аз 40 нафар сохтмончиҳо ба кор ҷалб карда шуда, 60 фоизи корҳои сохтмонӣ анҷом ёфтааст.
Маблағи умумии сохтмони лоиҳа 3 миллиону 167 ҳазору 118 евро буда, ба ҳолати имрӯза 2 миллиону 853 ҳазору 956 евро аз худ карда шудааст.
Ҳудуди беморхона 3,53 гектарро ташкил намуда, биноҳои асосӣ ва ёрирасон дар 1,61 гектар ҷойгир мебошанд.
Беморхонаи марказии ноҳия дорои шуъбаҳои ҷарроҳӣ, дил, бемориҳои даруна, таваллудӣ, кӯдакона, сироятӣ, эҳёгарӣ, ҳуҷраҳои ёрирасони таҳлилгоҳ, қабулгоҳ, ёрии таъҷилӣ, рентген, хунгузаронӣ, физиотерапӣ мебошад.
Инчунин, беморхона дорои 173 кати хоб буда, 286 нафар кормандон, аз ҷумла 26 нафар духтурон, 165 нафар кормандони миёнаи тиббӣ, 50 нафар кормандони хурди тиббӣ ва 45 нафар дигар кормандон кору фаъолият мекунанд.
Дар натиҷаи пурра анҷом ёфтани корҳои сохтмонӣ ва ба истифода додани беморхона, таҷҳизотҳои муоссири тиббӣ насб карда шуда, хизматрасонии тиббӣ дар сатҳи баланд ба роҳ монда мешавад.