StarTalk一氣呵成版｜麥浚龍再搞破格演出 歌曲意識大膽踩界被禁播

StarTalk一氣呵成版｜麥浚龍再搞破格演出 歌曲意識大膽踩界被禁播

麥浚龍 作客《StarTalk》接受主播 許文軒 訪問，​​跨界搞作多多嘅Juno即將聯同多位歌手喺2月底開Show，而呢次演唱會更集合音樂、電影及舞台劇於一身，非常特別。Juno喺訪談中分享開騷嘅構思於源兩年前所寫嘅一個圍繞「忠孝仁義」劇本，再將富有江湖味嘅內容延伸到舞台發展。

Juno透露，初版劇本係完全同音樂無關 ，但最終會引伸到再同音樂掛勾，最重要係想俾到刺激感自己。加上上年7月同周國賢合作做演唱會，啟發佢搵到一個新方向，想接受挑戰唔再做同傳統歌手之間嘅合作模式，加上要講一個戾氣重嘅故事，佢認為傳統流行歌手或會有包袱，所以佢就向不同音樂類型、不同音樂範疇嘅新世代歌手埋手，促成呢次合作。雖然Juno自稱「開荒牛」，不過佢就好享受呢種忙碌感覺，亦大讚一眾歌手係演戲素人，但由於佢地有曲目上嘅演出經驗，所以喺「說故事」上又會有一種驚艷感。

為左令觀眾可以早早浸沉喺演唱會主題世界，Juno同歌手們率先推出演唱會主題曲解構故事人物背景，但由於意識大膽踩界，歌曲亦遭到都係電視台、電台禁播，演唱會亦要變成十八禁嘅騷。雖然如此，但Juno亦認為呢個計劃都係忠於最初劇本嘅靈魂，係為作品去創作歌曲而唔係為可以派台擋出而創所，所以歌曲會被邊個平台播放亦唔係佢力所能及可以控制。

而Juno亦透露會為演出改編舊作，佢更舉出例子，一首2005年推出嘅歌站喺2024年去演繹，佢希望向同佢一齊成長嘅歌迷帶出一種進化感。每個演出都有唔同主題，所以佢都想做到有唔同嘅編曲進化，帶新鮮感俾大家。

#StarTalk #麥浚龍 #十八禁 #禁播 #金榜題名 #RAPPER #開荒牛 #周國賢 #一氣呵成版
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0