Boysun falokati: qish yaqin, xalq sarson, bemorlar arosatda

Сурхондарё вилояти Бойсун туманидаги “Мустақилликнинг 25 йиллиги” (М-25) газ конида 1 сентябрь содир бўлган техноген фалокатдан сўнг орадан икки ойдан кўп вақт ўтди.
Икки ойдан буён конга яқин жойдаги қишлоқлардан коллеж, мактаб ва боғчаларга кўчирилган. Бойсун халқи сарсон-саргардон.
Ҳукумат ва Enter Engineering ширкати фалокат оқибатларини тез фурсатда бартараф этишга, сизиб чиқаётган газ ўчоғини ёпишга ваъда берган.
Тўрт тарафга таралаётган заҳарли газ атрофдаги қишлоқларни, Бойсунга қўшни бўлган Қизириқ, Шеробод, Бандихон, Ангор туманлари, Термиз шаҳри аҳолисини ҳам заҳарламоқда.
“Мустақилликнинг 25 йиллиги” (М-25) газ конида 17 сентябрь куни такрорий содир бўлган портлаш оқибатида тўрт ишчи ҳалок бўлган эди.
Улардан икки нафари Бойсун туманининг Кўкамиш маҳалласидан 38 яшар Алишер Алимардонов ва 27 яшар Миржалол Қосимов.
Алишернинг отаси Холтўра Алимардонов ўғлининг ўлимида Enter Enjineering ширкатининг раҳбарларини айблайди.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Surxondaryo viloyati Boysun tumanidagi “Mustaqillikning 25 yilligi” (M-25) gaz konida 1 sentyabr sodir bo‘lgan texnogen falokatdan so‘ng oradan ikki oydan ko‘p vaqt o‘tdi.
Ikki oydan buyon konga yaqin joydagi qishloqlardan kollej, maktab va bog‘chalarga ko‘chirilgan. Boysun xalqi sarson-sargardon.
Hukumat va Enter Engineering shirkati falokat oqibatlarini tez fursatda bartaraf etishga, sizib chiqayotgan gaz o‘chog‘ini yopishga va’da bergan.
To‘rt tarafga taralayotgan zaharli gaz atrofdagi qishloqlarni, Boysunga qo‘shni bo‘lgan Qiziriq, Sherobod, Bandixon, Angor tumanlari, Termiz shahri aholisini ham zaharlamoqda.
“Mustaqillikning 25 yilligi” (M-25) gaz konida 17 sentyabr kuni takroriy sodir bo‘lgan portlash oqibatida to‘rt ishchi halok bo‘lgan edi.
Ulardan ikki nafari Boysun tumanining Ko‘kamish mahallasidan 38 yashar Alisher Alimardonov va 27 yashar Mirjalol Qosimov.
Alisherning otasi Xolto‘ra Alimardonov o‘g‘lining o‘limida Enter Enjineering shirkatining rahbarlarini ayblaydi.

#ozodlik #uzbekistan #tashkent #boysun #uzbek #avariya #yangiliklar #toshkent