వైరాలో రూ.400 కోట్లకు పైగా అభివృద్ధి పనులకు శంకుస్థాపన - డిప్యూటీ సీఎం భట్టి విక్రమార్క

యంగ్ ఇండియా ఇంటిగ్రేటెడ్ రెసిడెన్షియల్ స్కూల్స్.. గేమ్ చేంజర్,
వైరాలో రూ.400 కోట్లకు పైగా అభివృద్ధి పనులకు శంకుస్థాపన - డిప్యూటీ సీఎం భట్టి విక్రమార్క

ఖమ్మం జిల్లా వైరా నియోజకవర్గంలో యంగ్ ఇండియా ఇంటిగ్రేటెడ్ రెసిడెన్షియల్ స్కూల్ మరియు పలు 33/11 కేవీ సబ్‌స్టేషన్లకు శంకుస్థాపన చేసిన డిప్యూటీ సీఎం భట్టి విక్రమార్క. ఘన స్వాగతం పలికిన వైరా నియోజకవర్గ ప్రజలు, కాంగ్రెస్ పార్టీ కార్యకర్తలు.

విద్యతో పేదల జీవితాలు మారుతాయి. రాష్ట్ర వ్యాప్తంగా యంగ్ ఇండియా ఇంటిగ్రేటెడ్ రెసిడెన్షియల్ స్కూల్స్ నిర్మిస్తున్నాం.
ప్రజా ప్రభుత్వం విద్యకు అధిక ప్రాధాన్యత ఇస్తుంది.ప్రపంచంతో పోటీపడే విధంగా మన బిడ్డలు ఎదగటం కోసమే యంగ్ ఇండియా రెసిడెన్షియల్ స్కూల్స్ ఏర్పాటు చేశాం. ప్రతి స్కూలుకి 200 కోట్ల రూపాయలు కేటాయించాం. 20 ఎకరాల విస్తీర్ణంలో అత్యంత అద్భుతంగా అంతర్జాతీయ స్థాయి ప్రమాణాలతో స్కూల్స్ నిర్మిస్తున్నాం. దేశంలోనే ఇటువంటి స్కూల్స్ ఏ రాష్ట్రంలో కూడా నిర్మించడం లేదు. క్వాలిటీకి ఎక్కడ కొరతలేదు.. ఈ స్కూల్‌లో చదివే పేద, బడుగు, బలహీన వర్గాల పిల్లలు రాష్ట్రానికే కాదు, ప్రపంచానికే దిశానిర్దేశం చేసే స్థాయికి ఎదుగుతారనే నమ్మకం ఉంది.

గత పదేళ్లలో రెసిడెన్షియల్ స్కూల్స్ ని బీఆర్ఎస్ నిర్లక్ష్యం చేసింది.. పోషకాహారం లేని భోజనాన్ని అందించింది.ప్రజా ప్రభుత్వం అధికారంలోకి వచ్చిన వెంటనే విద్యార్థుల సంక్షేమం కోసం 40% డైట్ ఛార్జీలు, 200% కాస్మెటిక్ ఛార్జీలను పెంచాం. డాక్టర్ల సూచనల మేరకు పకడ్బందీ మెనూ ఖరారు చేశాం. ఈ మెనూ అన్ని హాస్టల్స్‌లో ప్రముఖంగా కనిపించేలా బ్యానర్లు ఏర్పాటు చేసి నిరంతరం పర్యవేక్షణ చేస్తున్నాం.ప్రతి నెలా మంత్రులు, ఎమ్మెల్యేలు, కలెక్టర్లు రెసిడెన్షియల్ స్కూల్స్‌లో విద్యార్థులతో కలిసి భోజనం చేయాలనీ ఆదేశాలిచ్చాం.

ఆనాడు అరకొరగా పనికిరాని చీరలు గత ప్రభుత్వం ఇచ్చింది. కట్టు
కోవడానికి పనికి వచ్చేటువంటి చీరలు కాంగ్రెస్ ప్రభుత్వం ఇస్తుంది.రాష్ట్రంలో కోటి మంది మహిళలకు కోటి చీరలు పంపిణీ చేస్తున్నాం. ఇంటింటికి వెళ్లి చీర- సారె అందిస్తున్నాం. ఇది మా ఇందిరమ్మ ప్రభుత్వం మహిళలకు ఇచ్చే గౌరవం.

పదేళ్లపాటు బీఆర్ఎస్ గవర్నమెంట్ వడ్డీ లేని రుణాలను ఇవ్వకుండా మహిళలకు అన్యాయం చేసింది. ఏడాదికి 20,000 కోట్ల రూపాయలను మహిళలకి వడ్డీ లేని రుణాలని కాంగ్రెస్ ప్రభుత్వం ఇస్తుంది.. 20వేల కోట్ల రూపాయలు ఇవ్వటం సాధ్యమా? అని అవహేళన చేశారు.. కానీ మేము ఇచ్చి చూపిస్తున్నాం.. 27 వేల కోట్ల రూపాయలు వడ్డీ లేని రుణాలని ఈ రాష్ట్ర ప్రభుత్వం మహిళలకు అందించింది.. ప్రజలందరి సమక్షంలో ప్రతి నియోజకవర్గంలో సమావేశాలు ఏర్పాటు చేసి వడ్డీ లేని రుణాలను అందిస్తున్నాం.ఇది మహిళల పట్ల కాంగ్రెస్ ప్రభుత్వానికి ఉన్న సంకల్పం.. మహిళలకు పెట్రోల్ బంకులు అందిస్తున్నాం.. రెండు మెగావాట్లకు తగ్గకుండా సోలార్ పవర్ ప్లాంట్లను మహిళలకి అందిస్తున్నాం.వడ్డీ లేని రుణాలతో బస్సులు కొనుగోలు చేయించి ఆర్టీసీకి అద్దెకు ఇప్పించి తద్వారా ఆదాయం , సోలార్ ప్లాంటులో ఏర్పాటు చేయించి వాటి ద్వారా ఆదాయం వచ్చేలా ప్రతి దాంట్లో మహిళా సమాఖ్యాలకు అవకాశం కల్పిస్తూ మహిళలను కోటీశ్వరులుగా చేయాలనే లక్ష్యంతో పనిచేస్తున్నాం.

53 లక్షల కుటుంబాలకు 200 యూనిట్ల ఉచిత విద్యుత్ అందిస్తున్నాం. ఆ బిల్లులు విద్యుత్ శాఖకు రాష్ట్ర ప్రభుత్వం తరపున చెల్లిస్తున్నాం.93 లక్షల కుటుంబాలు సన్న బియ్యం పొందుతున్నారు. ఏ రాష్ట్రంలో సన్న బియ్యం ఇవ్వడం లేదు.. రూ.13,500 కోట్లు వెచ్చి సన్న బియ్యం అందిస్తున్నాం.మహిళలకు ఉచితంగా ఆర్టీసీ బస్ ప్రయాణం కల్పించి రికార్డు స్థాయిలో పథకం ద్వారా ప్రయోజనం కల్పిస్తున్నాం.

  / 1c51v5g8cp