Қылмыстық сот саласын шетелдік мамандар жақсартады

Еуропалық Одақ Қазақстандағы қылмыстық әділ сотты жетілдіру жобасын таныстыру рәсімін өткізді

2016 жылдың 8 сәуірінде Астана қаласында Еуропалық Одақ тиісті мемлекеттік органдардың басшылығының қатысуымен «Қазақстандағы қылмыстық әділ сотты жетілдіру» жобасының таныстыру рәсімін өткізді. Пленарлық сессия Заңнама және сот-құқықтық реформа комитетінің Төрағасы Нұрлан Әбдіров, Қазақстан Республикасы Конституциялық Кеңесінің төрағасы Игорь Рогов, ҚР Ішкі істер министрінің орынбасары Ерлік Кененбаев, ҚР Ішкі істер министрінің орынбасары қызметіне тағайындалды Берік Бисенқұлов, ҚР Әділет министрінің орынбасары Эльвира Азимова және Ұлыбританияның Қазақстандағы Төтенше және Өкілетті Елшісі Кэролин Браун ханымның қатысуымен өтті.

Аталған жобаның барысында қылмыстық әділ сот жүйесінің реформалараның тиімділігін бағалау жүргізіледі, құқық бұзушылықтардың профилактикасына стратегиялық амалдар әзірленеді, халықаралық стандарттарға және қылмыстық-құқықтық статистиканы одан әрі жаңартуға сәйкес қылмыстық үдерісті дамыту бойынша шаралар ұсынылады деп күтіледі. Қылмыстық-құқықтық реформаны жүзеге асыруға қатысатын барлық тараптар арасындағы ынтымақтастыққа қол жеткізуге ерекше назар аударылады. Елдегі пробация қызметін одан әрі дамыту мақсатында жоба бостандықтан айыруға байланысты емес жазалаудың баламалы шараларын кеңірек қолдануды ұсынады. Жаңа курстарды әзірлеу және бағалау мен оқыту жүргізуге заманауи амалдарды енгізу арқылы қылмыстық әділ сот саласындағы мамандардың кәсіптік білімінің деңгейін арттыру қызметтің жеке бағыты болады.

Қосымша ақпарат үшін Еуропалық Одақтың «Қазақстандағы қылмыстық әділ сотты жетілдіру» жобасының қоғаммен байланыс жөніндегі сарапшысы Мира Бейсеноваға хабарласыңыз, тел: + 7 (7172)23 70 19, 23 70 20 немесе e-mail: [email protected] немесе Қазақстандағы ЕО Делегациясы, баспасөзбен байланыс жөніндегі Маман Карла Джаманкуловаға, тел.: +7 (7172) 97 11 48 немесе e-mail [email protected] хабарласуыңызды өтінеміз.