SRI SHARADA SUPRABHATAM

A hymn on Sringeri Sri Sharadamba titled Sri Sharada Suprabhatam authored by Vedabrahmasri Chintalapati Kutumbarama Shastry and rendered by Vidwan T. V. Shivakumara Sharma.
Lyrics in all scripts available at https://sringeri.net/stotras/devistot...

Kannada
॥ ಶ್ರೀಶಾರದಾಸುಪ್ರಭಾತಮ್ ॥

ಶ್ರೀಶಾರದೇ ಜಗನ್ಮಾತಃ ಪೂರ್ವಾ ಸಂಧ್ಯಾ ಪ್ರವರ್ತತೇ ।
ಉತ್ತಿಷ್ಠ ಕರುಣಾಪಾಂಗೈಃ ಕರ್ತವ್ಯಂ ವಿಶ್ವಮಂಗಲಂ ॥ 1 ॥

ಶ್ರೀಶೃಂಗಾದ್ರಿಪುರೀರತ್ನಸಿಂಹಾಸನನಿವಾಸಿನಿ ।
ಉತ್ತಿಷ್ಠ ಶಾರದಾಂಬ ಶ್ರೀಶಂಕರಾಚಾರ್ಯಸನ್ನುತೇ ॥ 2 ॥

ಉತ್ತಿಷ್ಠೋತ್ತಿಷ್ಠ ಭಗವತ್ಪಾದಶಂಕರಮೂರ್ತಿಭಿಃ ।
ಜಗದ್ಗುರುಭಿರಾರಾಧ್ಯೇ ಜಗಜ್ಜನನಿ ಶಾರದೇ ॥ 3 ॥

ಬ್ರಹ್ಮರ್ಷಯೋಽಮ್ಬ ಸನಕಾದಯ ಏತ್ಯ ಭಕ್ತ್ಯಾ
ಬ್ರಾಹ್ಮೀಮನನ್ಯಮನಸೋ ಹೃದಿ ಬ್ರಹ್ಮವಿದ್ಯಾಂ ।
ತ್ವಾಮಾಮನಂತ್ಯುಪನಿಷತ್ಸರಸೀಜಹಂಸೀಂ
ಶ್ರೀಶಾರದಾಂಬ ವರದೇ ತವ ಸುಪ್ರಭಾತಂ ॥ 4 ॥

ಫುಲ್ಲಾನಿ ಪಂಕಜವನಾನಿ ಸತಾಂ ಮನಾಂಸಿ
ಧೀವೃತ್ತಯಶ್ಚ ಸರಿತಶ್ಚ ದಿಶಃ ಪ್ರಸನ್ನಾಃ ।
ಅಜ್ಞಾನಮಾಶು ತಿಮಿರಂ ಚ ವಿಲೀಯತೇಂಬ
ಶ್ರೀಶಾರದೇ ವಿಜಯತೇ ತವ ಸುಪ್ರಭಾತಂ ॥ 5 ॥

ಹಂಸಃ ಪ್ರಯಾತ್ಯುದಯಮಂಬುಜಕಾನನೇಷು
ಹಂಸಾಃ ಪ್ರಸನ್ನಮನಸೋ ಮುದಿತಾ ರಮಂತೇ ।
ಹಂಸಾತ್ಮನಾ ಪರಮಹಂಸಕುಲಂ ಮುದಾಸ್ತೇ
ಶ್ರೀಶಾರದೇ ವಿಜಯತೇ ತವ ಸುಪ್ರಭಾತಂ ॥ 6 ॥

ಶ್ರದ್ಧಾಧನಾಶ್ಶಮದಮಾದಿಯುತಾ ವಿನೇಯಾಃ
ಶುದ್ಧಾಶಯಾ ವಿದಲಿತಾಖಿಲಕರ್ಮಬಂಧಾಃ ।
ಅದ್ಧಾ ವಿಮುಕ್ತಿಪದಭಾಜ ಇಮೇ ಬ್ರುವಂತಿ
ಶ್ರೀಶಾರದಾಂಬ ವಿಮಲಂ ತವ ಸುಪ್ರಭಾತಂ ॥ 7 ॥

ಗೀರ್ವಾಣವೃಂದಮಖಿಲಂ ಪುರತೋ ವಿಧಾಯ
ಗೀರ್ವಾಣವಂದ್ಯಮುಪಯಾತ್ಯುಚಿತೋಪಹಾರೈಃ ।
ಶರ್ವಾದಿಸನ್ನುತಪದಾಮಿಹ ಸೇವಿತುಂ ತ್ವಾಂ
ಶ್ರೀಶಾರದಾಂಬ ಶಿವದಂ ತವ ಸುಪ್ರಭಾತಂ ॥ 8 ॥

ಸರ್ವಾರ್ತಿಹಾರಿಣಿ ಸಮಸ್ತಸುಖಪ್ರದಾತ್ರಿ
ದುರ್ವಾದಿಗರ್ವಶಮಯಿತ್ರಿ ಜಗಜ್ಜನಿತ್ರಿ ।
ನಿರ್ವಾಣದಾತ್ರಿ ನಿಗಮಾಂತವಿಬೋಧಯಿತ್ರಿ
ಶ್ರೀಶಾರದೇ ಶಿವಸಹೋದರಿ ಸುಪ್ರಭಾತಂ ॥ 9 ॥

ಸದ್ವೇದಶಾಸ್ತ್ರನಿಗಮಾಂತರಹಸ್ಯವಿಜ್ಞಾಃ
ಪ್ರಾಜ್ಞಾಸ್ತ್ವದಂಘ್ರಿಸರಸೀಜಪರಾಗಗಂಧಂ ।
ಆಘ್ರಾಯ ದಿವ್ಯಮಭವನ್ನಖಿಲಾಃ ಕೃತಾರ್ಥಾಃ
ಶ್ರೀಶಾರದೇ ಸುಮನಸಸ್ತವ ಸುಪ್ರಭಾತಂ ॥ 10 ॥

ಮುಕ್ತಿಃ ಸ್ಥಿತಾ ಕರತಲೇ ಹೃದಯೇ ಪ್ರಮೋದಃ
ಜಿಹ್ವಾಗ್ರಗಾಶ್ಚ ಸಹಸೈವ ಸಮಸ್ತವಿದ್ಯಾಃ ।
ತ್ವದ್ದರ್ಶನಂ ಭವತಿ ಯಸ್ಯ ಹಿ ತಸ್ಯ ಪುಂಸಃ
ಶ್ರೀಶಾರದಾಂಬ ಶುಭದಂ ತವ ಸುಪ್ರಭಾತಂ ॥ 11 ॥

ತ್ವತ್ಸಂಸ್ಮೃತೇರಪಿ ನರಂ ವಿಜಹಾತ್ಯಲಕ್ಷ್ಮೀಃ
ಲಕ್ಷ್ಮೀಸ್ಸಮಾಶ್ರಯತಿ ನೂನಮಚಂಚಲಾಂಬ ।
ಶ್ರದ್ಧಾವತಾಂ ತ್ವಯಿ ವಿಮುಕ್ತಿರಯತ್ನಸಿದ್ಧಾ
ಶ್ರೀಶಾರದೇ ಜಗದಧೀಶ್ವರಿ ಸುಪ್ರಭಾತಂ ॥ 12 ॥

ಬ್ರಹ್ಮಾತ್ಮಭಾವಮಧಿಗಮ್ಯ ಹೃದಾ ಸದಾತ್ಮಾ-
ರಾಮಾ ಅಪಿ ತ್ವದಮಲಾಂಘ್ರಿಸರೋಜರೇಣೂನ್ ।
ವಾಂಛಂತ್ಯಮೀ ಪರಮಹಂಸಕುಲಾವತಂಸಾಃ
ಶ್ರೀಶಾರದಾಂಬ ಹೃದಯೇ ತವ ಸುಪ್ರಭಾತಂ ॥ 13 ॥

ತುಂಗಾಸರಿದ್ವಿಮಲವಾರಿತರಂಗರಂಗ-
ರಿಂಗತ್ಸರೋಜವನದಿವ್ಯಸುಗಂಧವಾಹಃ ।
ಅಂಗೀಕುರುಷ್ವ ಪವನಃ ಪ್ರಕರೋತಿ ಸೇವಾಂ
ಶ್ರೀಶಾರದಾಂಬ ಕೃಪಯಾ ತವ ಸುಪ್ರಭಾತಂ ॥ 14 ॥

ಪ್ರಾಕ್ಸಿಂಧುಪಾಥಸಿ ತ್ರಯೀತನುರೇಷ ಭಕ್ತ್ಯಾ
ಸ್ನಾತಸ್ತಥೋದಯಗಿರಾವುದಿತಸ್ತಪಸ್ವೀ ।
ತ್ವತ್ಪಾದಪದ್ಮಭಜನಾಯ ಸಹಸ್ರಭಾನುಃ
ಶ್ರೀಶಾರದಾಂಬ ಸಮುದೇತಿ ಚ ಸುಪ್ರಭಾತಂ ॥ 15 ॥

ಬ್ರಹ್ಮಾಚ್ಯುತತ್ರಿನಯನಾ ವಿನಯೇನ ಭಕ್ತ್ಯಾ
ಸಿಂಹಾಸನೇ ಸ್ಥಿತವತೀಂ ಪ್ರಣವಸ್ವರೂಪಾಂ ।
ವಾಚಾ ಹೃದಾ ಚ ವಪುಷಾ ಚ ಸಮಾಶ್ರಯಂತಿ
ಶ್ರೀಶಾರದಾಂಬ ಪರಮೇಶ್ವರಿ ಸುಪ್ರಭಾತಂ ॥ 16 ॥

ಇಂದ್ರಾನಲಾದಯ ಇಮೇ ದಿಗಧೀಶ್ವರಾಶ್ಚ
ಸೂರ್ಯೇಂದುಭೌಮಬುಧಗೀಷ್ಪತಿಶುಕ್ರಮುಖ್ಯಾಃ।
ಸರ್ವೇ ಗ್ರಹಾಶ್ಚ ಭಯಭಕ್ತಿಯುತಾ ನಮಂತಿ
ಶ್ರೀಶಾರದೇ ತವ ಮಹೇಶ್ವರಿ ಸುಪ್ರಭಾತಂ ॥ 17 ॥

ದೇವಾಂಗನಾಮಣಿಗಣಶ್ಚ ಶಚೀಮುಖೋಽಯಂ
ತ್ವಾಮೀಶ್ವರೀಂ ತ್ರಿಜಗದೇಕಸಮರ್ಚನೀಯಾಂ ।
ಸಂಸೇವಿತುಂ ಸುಸಮಯೇ ಸಮುಪಾಗತೋಽಸ್ಮಿನ್
ಶ್ರೀಶಾರದಾಂಬ ವಿನುತೇ ತವ ಸುಪ್ರಭಾತಂ ॥ 18 ॥

ವಾಚಾ ಸುಧಾಮಧುರಯಾ ರಮಣೀಯಸಪ್ತ-
ತಂತ್ರೀಪ್ರಕರ್ಷಮಧುರಸ್ವನಯಾ ಮಹತ್ಯಾ ।
ದೇವರ್ಷಿವರ್ಯ ಇಹ ಗಾಯತಿ ಭಕ್ತಿನಮ್ರಃ
ಶ್ರೀಶಾರದಾಂಬ ಮಧುರಂ ತವ ಸುಪ್ರಭಾತಂ ॥ 19 ॥

ತ್ವತ್ಪಾದಪಂಕಜಪರಾಗಸುಗಂಧಲೇಶ-
ಮಾಘ್ರಾಯ ಸತ್ಕವಿಮದಭ್ರಮರಾಃ ಪ್ರಹೃಷ್ಟಾಃ ।
ಗಾಯಂತಿ ಕೋಮಲಮನೋಹರವೃತ್ತಪದ್ಯೈಃ
ಶ್ರೀಶಾರದಾಂಬ ಲಲಿತೈಸ್ತವ ಸುಪ್ರಭಾತಂ ॥ 20 ॥

ಶ್ರೀವ್ಯಾಸಶಂಕರಸುರೇಶ್ವರಪದ್ಮಪಾದಾ-
ದ್ಯಾಚಾರ್ಯವರ್ಯಪರಿಪೂಜಿತಪಾದಪದ್ಮೇ ।
ಲೀಲಾಶುಕಾಕ್ಷವಲಯೋಜ್ಜ್ವಲಪಾಣಿಪದ್ಮೇ
ಶ್ರೀಶಾರದಾಂಬ ಪರಮೇ ತವ ಸುಪ್ರಭಾತಂ ॥ 21 ॥

ಪದ್ಮಾಕ್ಷಿ ಪದ್ಮಮುಖಿ ಪದ್ಮಭವಾದಿವಂದ್ಯೇ
ಪದ್ಮಾಲಯೇಽಖಿಲವರಾಭಯಪಾಣಿಪದ್ಮೇ ।
ಹೃತ್ಪದ್ಮಪೀಠಮಧಿತಿಷ್ಠ ಮಮಾಪಿ ಮಾತಃ
ಶ್ರೀಶಾರದೇ ಕರುಣಯಾ ತವ ಸುಪ್ರಭಾತಂ ॥ 22 ॥

ಯಃ ಪುಸ್ತಕಾಕ್ಷವಲಯಾಂಚಿತಪಾಣಿಪದ್ಮಾಂ
ವಾಗೀಶ್ವರೀಂ ಹೃದಯಪದ್ಮಗತಾಂ ಸ್ಮರೇತ್ತ್ವಾಂ ।
ವಾಗೀಶತಾಂ ಸಮುಪಯಾತಿ ಸ ಸದ್ಯ ಏವ
ಶ್ರೀಶಾರದಾಂಬ ಭುವನೇ ತವ ಸುಪ್ರಭಾತಂ ॥ 23 ॥

ಸಂಸಾರಸಾಗರಮಪಾರಮನಂತಲೋಲ-
ಕಲ್ಲೋಲದುರ್ಲಲಿತಮೇತಮತೀತ್ಯ ತೂರ್ಣಂ ।
ತೀರ್ಣಃ ಸ್ವಯಂ ಸ ಖಲು ತಾರಯತಿ ಶ್ರಿತಾಂಶ್ಚ
ಶ್ರೀಶಾರದೇ ಸ್ಮರತಿ ಯಸ್ತವ ಸುಪ್ರಭಾತಂ ॥ 24 ॥

ರಾಕಾಶಶಾಂಕರಮಣೀಯಮನೋಜ್ಞಕಾಂತಿಂ
ಸೋಮಾವತಂಸಮಕುಟಾಂ ಸುಮಕೋಮಲಾಂಗೀಂ ।
ತ್ವಾಂ ಸಂಸ್ಮರಾಮಿ ಕೃಪಯೈವ ವಿಲೋಕಯಂತೀಂ
ಶ್ರೀಶಾರದಾಂಬ ಹೃದಿ ಮಾಂ ತವ ಸುಪ್ರಭಾತಂ ॥ 25 ॥

ದಾತುಂ ತ್ರಿವರ್ಗಮಪವರ್ಗಮಪಿ ತ್ರಿಲೋಕ್ಯಾಃ
ನೂನಂ ನಿಜಸ್ಮರಣತೋಽಪಿ ಸಮೇಧಮಾನೇ ।
ತ್ವದ್ವಕ್ತ್ರಚಂದ್ರಮಸಿ ಚಂದ್ರಮಸಾಪಯಾತಂ
ಶ್ರೀಶಾರದಾಂಬ ಶಶಿನಾ ತವ ಸುಪ್ರಭಾತಂ ॥ 26 ॥

ಪೂರ್ಣೇ ಕಲಂಕರಹಿತೇ ಭುವನಾರ್ತಿಹಾರಿ-
ಣ್ಯಜ್ಞಾನಸಂತಮಸಭೇದಿನಿ ತ್ವನ್ಮುಖೇಂದೌ ।
ನಿತ್ಯೋದಿತೇ ಜಗತಿ ಭಕ್ತಚಕೋರಲೋಕಃ
ಶ್ರೀಶಾರದಾಂಬ ಮುದಿತಸ್ತವ ಸುಪ್ರಭಾತಂ ॥ 27 ॥

ಪುಣ್ಯಾಃ ಸ್ತ್ರಿಯಶ್ಚ ಪುರುಷಾಶ್ಚ ಕಲಾವಪಿ ತ್ವಾಂ
ಮಾತರ್ಯಥಾ ಕೃತಯುಗೇ ಪರಯಾಂಬ ಭಕ್ತ್ಯಾ ।
ಸಂಸೇವ್ಯ ಶೃಂಗಗಿರಿಪೀಠಗತಾಂ ಕೃತಾರ್ಥಾಃ
ಶ್ರೀಶಾರದೇ ಕೃತಧಿಯಸ್ತವ ಸುಪ್ರಭಾತಂ ॥ 28 ॥

ತ್ವತ್ಸೇವನಾಯ ಭವಬಂಧವಿಮುಕ್ತಿಕಾಮಾಃ
ಕಾರುಣ್ಯಕಲ್ಪಲತಿಕೇ ಕತಿಚಿನ್ಮಹಾಂತಃ ।
ಆಯಾಂತಿ ಶುದ್ಧಚರಿತಾಸ್ಸುಧಿಯಶ್ಚ ಭಕ್ತಾಃ
ಶ್ರೀಶಾರದೇ ಪ್ರಮುದಿತಾಸ್ತವ ಸುಪ್ರಭಾತಂ ॥ 29 ॥

ಶ್ರೀಚಂದ್ರಶೇಖರಜಗದ್ಗುರುಸಾರ್ವಭೌಮ-
ಶ್ರೀಪಾಣಿಪದ್ಮಜಜಗದ್ಗುರುಸಾರ್ವಭೌಮೈಃ ।
ತತ್ಪಾಣಿಪಂಕಜಸಮುತ್ಥಗುರೂತ್ತಮೈಶ್ಚ
ಶ್ರೀಶಾರದಾಂಬ ವಿನುತೇ ತವ ಸುಪ್ರಭಾತಂ ॥ 30 ॥

ಯೇ ಸಜ್ಜನಾ ಅನುದಿನಂ ಮುದಿತಾಃ ಪ್ರಭಾತೇ
ಭಕ್ತ್ಯಾ ಪಠಂತಿ ಪರಯಾ ಭುವಿ ಶಾರದಾಯಾಃ ।
ಶ್ರೀ ಸುಪ್ರಭಾತವಿನುತಿಂ ಸಕಲೈರ್ವಿಮುಕ್ತಾಃ
ಕ್ಲೇಶೈಃ ಪ್ರಯಾಂತಿ ಪುರುಷಾರ್ಥಚತುಷ್ಟಯಂ ದ್ರಾಕ್ ॥ 31 ॥

ಯೇ ಸುಪ್ರಭಾತಮಿದಮಾಶ್ರಿತವತ್ಸಲಾಯಾಃ
ಶ್ರದ್ಧಾಯುತಾ ಅನುದಿನಂ ಹೃದಿ ಶಾರದಾಯಾಃ ।
ಪ್ರಾತಃ ಪಠಂತಿ ಮನುಜಾ ಜಗದಂಬಿಕಾಯಾಃ
ತೇ ಪ್ರಾಪ್ನುವಂತಿ ಸುಜನಾಸ್ಸಕಲಾನಭೀಷ್ಟಾನ್ ॥ 32 ॥

ಶ್ರೀಶಾರದಾಸುಪ್ರಭಾತಸ್ಮರಣಾತ್ಕರುಣಾನಿಧಿಃ ।
ಪಾರದಾ ಸ್ಯಾತ್ ಕ್ಷಣೇನೈವಾಪಾರಸಂಸಾರವಾರಿಧೇಃ ॥ 33 ॥