«Լմբատ» ավանդական համույթ-«Ջան վարդավառ»,«Վարդավառի կիրակին»

Ջան Վարդավառ, Վարդավառ
Պաս եմ պահել քեզ համար 🌹🌊🌿

Շուտով Վարդավառ է,ճիշտ ժամանակն է տոնին նվիրված երգեր սովորելու 🌹🌿☀️

Վարդավառը մեր ժողովրդի ամենասիրած տոներից է: Այն իր մեջ մի շարք ավանդույթներ է պարունակում 🌞🌾
Տոնն ուներ իր հստակ ծիսաշարը. խիստ տարածված էին ուխտագնացությունները դեպի սրբավայրեր, հատկապես` ջրի ակունքներ ունեցող վայրեր, քանի որ գիտենք` տոնի գլխավոր բաղկացուցիչ մասը ջրախաղերն էին 🌊
Մինչեւ Վարդավառ` խնձորի պաս էր, և առաջին անգամ այդ պասը լուծվում էր հենց Վարդավառի տոնին` հատուկ արարողությամբ ։ Գիշերը հավաքվում էին երիտասարդներ և խարույկներ էին վառում,դրա մեջ խորովելով` տարվա մեջ առաջին անգամ ուտում խնձորը 🍅☘️
Ամբողջ գիշեր նրանք միասին էին անցկացնում, երգի մրցույթներ էին տեղի ունենում, երգեր էին հորինվում, տղաները և աղջիկները` երկու խմբով, մրցակցում էին միմյանց հետ 🥰
Հնում Վարդավառը համարվում էր նաև սիրո տոն։Հավատում էին, թե Վարդավառի գիշերը սրբերի վրա լույս էր իջնում և ով տեսնի այն' խնդրանքը կիրականանա ✨
——————
Տեսանյութում Արթիկի «Լմբատ» ավանդական համույթն է,երգում են `«Ջան վարդավառ»,«Վարդավառի կիրակին» երգերը 💛

Մենակատարներ`Աղունիկ Ադամյան և Վաղինակ Չարչյան,
Հիմնադիր ղեկավար`Մարինե Մկրտչյան, Марине Мкртчян
Գեղ.ղեկավար`Հենրիկ Սուքիասյան։

1980 թվականին Արթիկի շրջանային կուլտուրայի տանը Մարինե Մկրտչյանի նախաձեռնությամբ ու անմիջական ղեկավարությամբ ստեղծվում է «Լմբատ» ազգագրական համույթը,որը գործել է շուրջ 12 տարի և այդ ժամանակահատվածում հասցրել է վերականգնել ու ժողովրդին ներկայացնել 80-ից ավելի ավանդական երգ-պարի նմուշներ Կարսի, Էրզրումի, Բասենի պարերգային մշակույթից՝առանց որևէ փոփոխումների։

հ․գ․ երգերի բառերը մեկնաբանության դաշտում են 💛