Edicioni i Lajmeve Tv Klan 25 Nëntor 2025, ora

Lajme, #edicioniinformativ ora 23:45, 25 nëntor 2025 #TvKlan #klanlajme

Spiker: Reis Çiço

Headlines

12 orë rezistencë, arsenal armësh dhe flamur i ISIS në shtëpinë e dy radikalëve të rrethuar nga RENEA
Dalhin detaje të reja nga rezistenca 12-orëshe e Erzen Ukës dhe Jul Cumrakut ndaj forcave të policisë në Orosh të Fushë Arrëzit. Pas neutralizimit të tyre, policia gjeti në banesën ku ata qëndronin një arsenal armësh si edhe një flamur të Shtetit Islamik.

Atentat ndaj Juljan Sulos në Lushnjë: u plagos nga dy persona, autorët dogjën makinën
Një 45-vjeçar, i identifikuar si Juljan Sulo, mbeti i plagosur paraditen e sotme në një atentat me armë zjarri në Lushnjë. Dyshohet se ai është qëlluar nga dy autorë, të cilët pas ngjarjes dogjën automjetin dhe armët e përdorura.

PD, notë proteste ndaj komisioneres Kos: Berisha thotë se deklaratat e saj janë të frymëzuara nga propaganda e Ramës
Partia Demokratike ka dorëzuar një notë proteste ndaj komisioneres Marta Kos, pas deklaratave të saj se zgjedhjet e 11 majit kanë qenë të lira dhe të ndershme. Sali Berisha i cilëson këto deklarata të papranueshme dhe të ndikuara nga propaganda qeveritare.

Përmbytjet – Çako: Shqipëria në emergjencë; bashkitë më të prekura: Saranda, Delvina, Finiqi
Kreu i Agjencisë së Mbrojtjes Civile, Haki Çako, deklaron se vendi ndodhet praktikisht në gjendje emergjence për shkak të përmbytjeve të ditëve të fundit. Ai theksoi se më të prekura janë bashkitë Sarandë, Delvinë dhe Finiq.

Rriten me 36% denoncimet për dhunë në familje; Tirana me numrin më të lartë
Denoncimet për dhunë në familje janë rritur me 36%, ndërsa pjesa më e madhe vjen nga Tirana. Një raport i OBSH-së e rendit Shqipërinë të dytën në Europë për përqindjen e grave që raportojnë dhunë nga partnerët.

Mediat: Ukraina ka pranuar planin “Trump” për paqen, por me disa ndryshime
Mediat amerikane raportojnë se Ukraina ka rënë dakord me planin e propozuar nga Donald Trump për t’i dhënë fund luftës me Rusinë, por ka kërkuar disa ndryshime. Sipas burimeve, marrëveshja është arritur pas bisedimeve të zhvilluara në Gjenevë.

/tvklan.al

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/