Mubashshir Ahmadga 2,5 yil berildi: advokatlar hukmdan norozi

Bugun jinoyat ishlari bo‘yicha Uchtepa tuman sudida Mubashshir Ahmed taxallusi bilan chiqishlar qilib kelgan diniy voiz Alisher Tursunovga hukm o‘qildi.

E’lon qilingan sud hukmiga ko‘ra Alisher Tursunov Jinoyat kodeksining 156-moddasi (milliy, irqiy, etnik yoki diniy adovat qo‘zg‘atish) 2-qismi, 244-1-moddasi (jamoat xavfsizligi va jamoat tartibiga tahdid soladigan materiallarni tayyorlash, saqlash, tarqatish yoki namoyish etish) 3-qismi «g» bandi va 244-3-moddasi (diniy mazmundagi materiallarni qonunga xilof ravishda tayyorlash, saqlash, olib kirish yoki tarqatish)da nazarda tutilgan jinoyatlarni sodir etganlikda aybli deb topildi.

Alisher Tursunovga Jinoyat kodeksining 57-moddasini (yengilroq jazo tayinlash) qo‘llagan holda 59 (bir necha jinoyat sodir etganlik uchun jazo tayinlash) va 61 (jazolarni qo‘shishning hisoblash qoidalari) moddalari tartibida 2 yil 6 oy muddatga ozodlikdan mahrum qilish jazosi tayinlandi.

Tayinlangan jazoni umumiy tartibli koloniyalarda o‘tash belgilandi.

Shu bilan birga Internet tarmog‘idagi Facebook, Instagram ijtimoiy tarmoqlari, Telegram messenjeri hamda YouTube videohostingidagi «Mubaşşir Ahmad» va «Azon Global – Muqobil axborot-tahliliy kanali» nomli sahifalar (kanallar) faoliyati to‘xtatilib, bloklanishi belgilandi.

Jinoyat ishlari bo‘yicha Uchtepa tuman sudining ushbu hukmi ustidan taraflar qonunda belgilangan tartib va muddatda Toshkent shahar sudining jinoyat ishlari bo‘yicha sudlov hay’atiga apellyasiya/kassatsiya tartibida shikoyat berish va protest keltirishga haqliligi ma’lum qilinadi.

Ijtimoiy tarmoqdagi sahifalarimizga obuna boʻling:
Telegram: https://t.me/vaqtuz_rasmiy
Instagram:   / vaqtuz_rasmiy  
Facebook: https://www.facebook.com/profile.php?...
Twitter (X): https://x.com/vaqt_uz