بان عليا حبه من اول نيسان - سعاد مكاوي

بان عليا حبه من أول نيسان

لسة مع خفة الدم، سعاد مكاوي في ذكراها، و بما اننا في ذكراها لازم نسمعها في حاجة فكاهية من الحاجات اللي اتميزت بيها.

تعالوا نسمع اغنية اتعودنا نسمعها من نجاة لكن هنسمعها من سعاد بس بتغيير شوية في الكلمات. و الحقيقة أصل الموضوع أنا لشاعر فتحي قورة كتب برنامج غنائي كوميدي اسمه "اغنية مشهورة تذاع لاول مرة" اتقدم في رمضان سنة ١٩٦٥ و كان فكرة البرنامج تغيير كلمات الاغاني الأصلية بكلمات فكاهية يغنيها الممثلين.
عمنا ابو السعود الأبياري عمل معارضة غنائية لأغنية بان عليا حبه لصلاح جاهين و كمال الطويل اللي قدموها سنة ١٩٥٩ و كان من نصيب سعاد مكاوي تغنيها بان عليا حبه من اول نيسان.

بان عليا حبه من اول نيسان
ياما كنت عايزة و الله اتجوز من زمان
قالي عنده عزبة غير في البنك حسبة
و اتاري الحليوة بذمة أوسع مالميدان
و كمل الكوبليه:
من أول ما شفت عيونه
.أنا سِبْت الغسيل بصابونه
و خايلنى الهنا و مأذونه
و لقيت اللى حايهنِّينى
خد صيغتى و لطش بطاطينى و لحاف الجيران
و أتارى الحليوة بذمة أوسع مالميدان.

من خوفى خلاص ما بنامشى
علشان يا اختى بيه ما احلمشىي
و لا أقعد معاه و لا أمشى.
و إن شفته راح اخرب بيته
و يا ويل روميو من جولييته
حيروح اللومان
و أتارى الحليوة بذمة أوسع مالميدان.
و تختم سعاد
شباكى النهارده فتحته
قالوا لى إنه واقف تحته
لو شفته لكنت فضحته
لو كنا يا قلبى سألنا
عن أصله ما كنا دخلنا
و بقينا في أمان.

بان عليا حبه من اول نيسان

كلمات فتحي قورة
لحن كمال الطويل
غناء سعاد مكاوي
سنة ١٩٦٥
تمنياتي بطيب الاستماع 🌹