Maxtrack’da sotuv yo‘lga qo‘yilish tarixi | Startup Maktabi

Texnik mahsulotni sotish — bu alohida mahorat. Bu darsda men Maxtrack’da telematika va monitoring kabi murakkab xizmatlarni qanday qilib mijozga tushunarli qilib yetkazganimizni, dastlabki savdolar qanday boshlanganini va bozorda ishonchni qanday qozonganimizni bo‘lishaman. Texnologiya o‘zini sotmaydi — uni tushuntirish kerak bo‘ladi.

—————

From Digital Maps to AI Workforce — 19+ yillik tajriba texnologiyalar yo‘lida

2005 yilda Toshkentda O‘zbekistonning birinchi raqamli xarita va navigatsiya kompaniyasini yaratdim. Bu loyiha keyinchalik 20 000+ avtomobilga o‘rnatilgan Maxtrack platformasiga aylandi.

Keyingi yillarda logistika, mobil xizmatlar va ishchi kuchini boshqarishdagi to‘siqlarni yo‘q qiladigan tizimlar yaratishga e’tibor qaratdim. Eng katta loyiham — Express24: $50M yillik daromadga chiqqan va Yandex’ga sotilgan yetakchi yetkazib berish platformasi.

2024 yilda AQShga ko‘chib, Numeo startapini boshladim — bu yerda biz AI yordamida yuk tashish jarayonlarini avtomatlashtiradigan aqlli raqamli ishchilar jamoasini qurmoqdamiz.

Men shunga ishonaman: texnologiya inson mehnatini yengillashtirishi va bizneslarni tezlashtirishi kerak.

Shu tajriba asosida biz yosh startaperlar uchun amaliy kurs ishlab chiqdik. Bu kurs sizga g‘oya tanlashdan boshlab, o‘z venchur tarixingizni yaratishgacha yo‘l ko‘rsatadi.