Tibbi yardım maşinlarina CPRS sistemi qoyulub

Rayonlarda fəaliyyət göstərən xəstəxanalardan xəstələrin təcili yardım maşını ilə xəstələrin Bakıya gətirilməsi sistemi təkmilləşdirilir. Bunu Səhiyyə Nazirliyinin Təcili və Təxirəsalınmaz Tibbi Yardım Stansiyasının baş həkimi Mirələm Cəlalov deyib. Bildirib ki, artıq xəstənin region xəstəxanasından Bakıdakı tibbi müəssisəyə köçürülməsi üçün lazımi sənəd tələb olunur.

“Xəstənin rayondan Bakıya köçürülməsi konsilium nəticəsində ola bilər. Konsilium qərar versə ki, rayondakı şərait imkan vermirsə xəstəyə yardım göstərilsin, o zaman xüsusiləşdirilmiş briqada vasitəsilə xəstə Bakıya köçürülə bilər. Əvvəllər rayonlarda şərait, avadanlıq baxımından çətinlik olurdu və xəstə axını Bakıya çox idi. Amma son illər rayonlarda düzəlmiş, tikilmiş, təmir olunmuş xəstəxanalarda şərait yaradılır ki, mütəxəssis buradan gedib rayonda öz lazımi yardımını göstərir”.

Baş həkimin sözlərinə görə, bütün təcili yardım maşınlarına CPRS sistemi qoyulub və onların gediş-gəlişi barədə məlumat əldə olunur. Yəni, ürəyi istəyən hər kəsin təcili yardım maşını ilə Bakıya köçürülməsi mümkün deyil. Ehtiyac olduqda Bakıdan rayona bütün sahələr üzrə lazımi mütəxəssislər göndərilir.

Baş həkimin müavini OKTAY ŞAHMALIYEV deyir ki, əgər yerlərdə qərar verilirsə, Bakıdan mütəxəssis lazımdır, onda göndərilir. “Bir də Təcili Yardım Stansiyasının digər bir sahəsi var, 12 regional məntəqə yaradılıb. Yol-nəqliyyat hadisələri zamanı anesteziya, reanimasiya xidmətinin yaxşılaşdırılması məqsədilə12 regional məntəqə yaradılıb və hazırda fəaliyyətdədir”.

2007-2016-cı ilin müvafiq dövrünə qədər 15 min 192 nəfər yol qəzasına düşmüş xəstələrə regional məntəqələrdə yardım göstərilib. Bundan əlavə, 12 min 428 nəfər xəstələrə konsultativ tibbi yardım edilib.