《贖夢》票房破千萬家輝跳唱謝票 親回應勸Fans冷靜輔導影片

《贖夢》票房破千萬家輝跳唱謝票 親回應勸Fans冷靜輔導影片

張家輝 自編自導自演嘅電影《贖夢》，上映3週票房已破千萬，成績繼續穩步向上。而復活節假期周末，家輝同喺戲中飾演阿痴嘅好兄弟 李凱賢 繼續四出謝票。連走多場謝票活動嘅家輝，仲邊唱住《永遠的失眠》邊跳舞出場，Brian為令觀眾加深認識角色，更自費印限量版「痴頭tee」送出作為復活節禮物。

《贖夢》上映踏入第4週，家輝指以現時電影市道低迷下，加上作品題材較另類，仍得到觀眾支持，對票房尚算滿意，不過仍然期待有更好成績出現，希望大家踴躍捧場。而Brian就透露已先後欣賞作品3次，覺得家輝敢於嘗試創作新題材非常有心，令觀眾有更多唔同口味電影選擇。

而家輝又提到自己從演同執導以來，《贖夢》係謝票次數最多嘅一部，佢話：「其實都唔止我一個忙為電影謝票，好多電影都努力謝票，如今呢個年代需要跟住大方向走；坦白講，以前自己真係抗拒謝票；但經過今次嘅謝票經驗，令我深深覺得同觀眾交流，整個過程感覺良好！」

謝票期間觀眾表現熱情，仲有人追問會否有下集？而家輝就話一切都係未知數。又有觀眾讚家輝唱歌好聽，問佢幾時開演唱會，家輝就妙答已入紙申請，非常搞笑。

此外，早前家輝苦口婆心「訓導」Fans嘅過程於網上成為熱話，唔少人都讚家輝為人真誠：「無論之前我，定係我嘅電影，我都好多謝大家嘅支持。其實當日嗰位Fans冇傷害性，當時我唔想佢情緒激動，所以覺得如果我停低同佢溝通吓會好啲，就係咁簡單同佢傾起嚟。」

#贖夢 #票房破千萬 #張家輝 #蔡辛強 #謝票 #阿痴 #李凱賢 #訓導 #Fans #冷靜 #激烈
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0