萬千星輝頒獎典禮2024丨12項獎項十強名單誕生 晉身藝人現身繼續拉票

萬千星輝頒獎典禮2024丨12項獎項十強名單誕生 晉身藝人現身繼續拉票

《萬千星輝頒獎典禮2024》將於明年1月19號晚舉行，大會日前讓觀眾透過投票網頁，投選每個獎項最多三個心水選擇，經過一輪投票同幕後評分之後。喺12月20號大會公布十二個獎項嘅十強名單。

視后「最佳女主角」十強名單：蔡思貝《飛常日誌》、陳自瑤《婚後事》、姚子羚《反黑英雄》、蔡潔《法證先鋒VI：倖存者的救贖》、蔣祖曼《法證先鋒VI：倖存者的救贖》、張曦雯《企業強人》、龔嘉欣《企業強人》、胡定欣《巾幗梟雄之懸崖》、楊茜堯《黑色月光》、林夏薇《黑色月光》，成功晉身十強嘅陳自瑤拉票呼籲大家投佢一票，子羚就覺得要對自己有信心。

視帝「最佳男主角」十強名單：馬國明《飛常日誌》、羅子溢《婚後事》、陳展鵬《逆天奇案2》、鄭則仕《神耆小子》、張振朗《反黑英雄》、黃宗澤《法證先鋒VI：倖存者的救贖》、陳豪《企業強人》、譚俊彥《企業強人》、黎耀祥《巾幗梟雄之懸崖》、王浩信《黑色月光》，獲陳自瑤幫手拉票嘅子溢笑，言同老婆互相拉票，當問到是劇中老婆定現實中老婆？身邊嘅祥哥話：「老婆太多好難做。」子溢笑指祥哥會明白，不過祥哥就話：「我點會明，關我咩事。」

「最佳劇集」十強名單：《愛．回家之開心速遞》、《飛常日誌》、《婚後事》、《逆天奇案2》、《反黑英雄》、《證先鋒VI：倖存者的救贖》、《企業強人》、《巾幗梟雄之懸崖》、《廉政行動2024》、《黑色月光》，譚俊彥參演嘅劇集《企業強人》晉身多個獎項十強，佢開心成個團隊都係有精神問題嘅人，大家每日開完工都唔肯走，為咗一個鏡頭不停等，佢亦指好成績一定要有好團隊，期待繼續合作。

憑《巾幗梟雄之懸崖》入圍「最佳男配角」十強嘅蕭正楠，雖然未有到場，但仍然獲唔少對手幫手拉票，當中朱敏瀚落力為阿蕭夫婦拉票，但就避談唔幫緋聞女友陳曉華拉票。分別晉身「飛躍進步女藝員」，以及憑《反黑英雄》晉身「最佳女配角」十強嘅傅嘉莉，就話每年有機會角逐已經開心，家中已經一早有個櫃準備放獎座，希望今年能夠如願。

記招上，同時宣布兩個新增設嘅獎項「最佳男新人」同「最佳女新人」，以表揚入行近五年嘅新晉藝人，今年憑參加《中年好聲音2》而入行嘅譚輝智以新人獎參加頒獎禮，佢自言有少少尷尬，因為年紀比其他入圍者大。有三項入圍名單嘅陳懿德就對成績非常開心，而許文軒呢日除咗擔任大會司儀，佢亦有份入圍「最佳男主持」，同時入圍嘅梁思浩就話要將寶貴一票投畀Edmond。

同日，大會公布大灣區同馬來西亞嘅四大獎項嘅十強名單，即日啟動第二輪投票，而票數會重新計算，大家記住喺香港時間2025年1月12號深夜12點前投票。

#萬千星輝頒獎典禮2024 #十強名單 #最佳劇集 #最佳男主角 #最佳女主角 #最佳男配角 #最佳女配角 #十二個獎項 #第二輪投票 #重新計算 #最佳男新人 #最佳女新人 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0