#2025

💦💦 بدع ابو صلاح الصلاحي 💦💦
💦💦 جواب حمود السعـدي 💦💦
💦💦 غناء محمـد الدحمـلي 💦💦

في ليل مظلم وخــو حسين جالس لحاله
والناس عادي رقـود
وغــاب ضوء القمــر والليل طالت حبـالة
ونجوم عدهن عدود
ونا وفكــري على ذا الحـال مشغول باااله
يهــدأ وساعة يعـود
فجــأه وجـا هاجسي يحمـل بطيه رسـالة
وعطــر من هوليود
وقـال لي تـم بدعــك ياصــلاحي عجـاله
والساع كدها كدود
من دار تنحـم مطـل والنوبــه اللي قبـاله
على جميـع الحيــود
ومــن ربــى وادي الغناء وحــوله تلاااله
ذي خلفــوه الجـدود
نعـوه بلاد الكــرم والجــود أرض البسـالة
فيهــا تربــت أســود
كــد القـــوافي لشاعـر يعجبك في مقـالة
لا ســرو حمـير يعـود
وسلـم البــدع مـن بو ليث وأول سجـالة
أديـب يافـــع حمـود
شاعـر مثقف وشعــره يعجبك من جمالة
وبالقــــوافي يجـــود
سلـم لــه العطر ذي قلنا بجنب الرسـالة
بالله وباقـــــــه ورود
يقول ابو ليث حــال البيت والساس حاله
وركـنهـــا والعمــــود
وقبــلي البيت هــدوهـا وهـــدو سفــاله
وسقفهــا والعقــــود
وحـرمة البيت باحــوها الغجــر والحثالة
ماشفت مثله جحــود
لا راعــو الأم ولا جـــده وعمــه وخـــالـه
ولا لمكلــف حــــدود
دقـوا برع داخـل المنزل وفــي كل صـالة
ويحشــدوها حشــود
ومن رفـع رأس يعـدم أو يصل بيت خـاله
يهمـوه وقــت البـرود
يشكلـّوا محكمـة قــاضي حضـر بالوكالـة
وشهـود ماهم شـهود
للشعـر مفتاح ياسعــدي وعنـدك مقـالة
والرمــز عنـدك وكود
من عام الفين وهدعشر ترا الحــرب طالة
وقــبل كــنا ســـدود
ولا أستفـاد الوطــن جنــوب ولا شمــالة
حـتى حميـد وحـمود
تشـــردوا كل واحـــد شــد وشـلا عيــالة
والعيــن لا بن سعـود
ولا لشطــرين بانرجـــع وذا لـــي وذا لــه
ومثـــل أول حـــدود
لا عــاد وحــده وهـذا الأمر صـار إستحالة
تعــود مابــــا تعــود
تلــو جبيــن الوطــن وزاد فــيه البطــالـة
مـن برقهـم والرعـود
ويوعــدون المــواطن بالرخـــا والجمـالة
لكــن عليه الصمــود
مـن كال قــال المثـل ياصاحــبي أستكـالة
لو بعــد عـدت عقود
سألت ابو قيس في بدعي وشخصن جدالة
وأبتعــد فـــي الردود
مـن بعــد نشــوان قـاده ختموهـا وعـاله
عـند العــدو اللــدود
مصلـح وشـايع وعنتــر وين راحت نضالة
ذي كــان عنهــا يذود
مـاسلمــوا القيصـري مفتاحهـا والكفـالة
مقابــل ايــت نقـــود
واليوم داخـل دبـي وقصور داخـل صـلالة
لا تحـسب اني حسـود
وشـف ثمنهــا سقطــره شلهـا لـه حـلاله
مـن القــدم للجعــود
لكــن شعب الجـنوب يستوعبون إحتلاله
ويـداتهـم عـالـزنـــود
ماهي لقـم سايغـه تنزل ولا هـي جعــالة
أو يحـسبوهـــا فيــود
مـن رام يبلـع لقمهـا حتمــاً انـــه وبالــه
في الحلق علقم وعود
وآخــر صـلاتي على الصادق وصحبه وآله
عـديد مافـي الوجـود
🌹🌹🌹🌹🌹🌹🌹🌹🌹🌹🌹

الجواب

أبدع بك ادعيك يارحمن يا ذي الجــلالة
وانت الكـريم الودود
مالت ميازيـــن قانون البشــر والعـدالة
نحو الطمع والجحود
وانا على طاعتـك حــتى ولا النفس مـالة
يا من إليك السجـود
سـالك تحصـن مقامي بالنـــبي والرسالة
وفــي تبـارك وهـود
عـزي بيافع شموخه وافتخـر فــي جبالة
بنايفـــات الحـــيود
للمنظر اللي بوجه الشمس تحت الظلالة
ماله مثل بالوجــود
فـلا يجـــد داخــل الدنيــا بهيبة جمـالة
ولا بـــأرض الهنــود
حصون فـي صفحة التاريخ تعطي دلالـة
والأوديـه والســدود
مسحـور مفتون فيهـا لا حــدود الثمـالة
تسكـن بنبض الكبود
لو جـا لنا ضيف نكرم له بمسك الغـزالـة
وعطـــرأصـلي ينـود
وابن الصــلاحي على رأســي وحيا قـبالة
نستقبلــه بالـــورود
من نعـوة العــــز متحــزم بهيبـة رجـالة
الصادقــين الوعــود
أهل الدواوين واصحاب الوفا والجـمالـة
ومكــرمين الوفـــود
ماحــد ينقص بأصحــاب الأبى والأصـالة
إلا مكابـــر حقـــــود
الفصل الأول خــرج بعد الرضا والسهـالة
ندخــل بثانــي عمود
من عاث بالأرض فالمفروض واجب قتالة
من المخــا لا ثمــود
دايم صلاحـه أبد مـا يختلف عــن عطـالة
للشافـــعي والزيــود
والله لــو تحــترق مــانحتكـــم للســلالة
وناكـــرين العهــــود
ما نتّبع نهـج أصحــاب البــدع والضــلالة
لـو با تشــح الجلــود
كــم شخص داره تهـــدم يتمـوا لـه عيالة
كم ذي بجوف اللحود
بس للأســف شعب غافــل يعشق الأتكالة
راح الوفــا والصمــود
ويعشقــون الطـــرب ورقصـة البرتقـــالة
جنب الكسل والرقـود
والبعض مدمن على حب النكت والهبـالة
على الوطــن ما يذود
حــتى اصبح الظلم والباطل لـه الأستمالة
أشــبه بظلـم اليهود
كم جهد صبر المواطن كم يطول أحتمالة
لا كهـــربا لا وقـــود
راح المناضل فــي الواقــع وضبع جمـالة
ولا بقــي لــه قعـود
وجـا بيحــكم لنـا ذي ما عـــرفنا نضـالة
ذي ما لبوهم وجود
يمشي بأمرت غـريب الدار طبع العمالة
يبيعهـــا بالنقــــود
وهكـذا صار حال الشعب في خس حالة
لكل من جــا يقــود
إلــى هنا باكـتفي مــا فايـــدة بالأطــالة
للشعــر نحنَ جنود
نكتب حروفه بتصــوير الأدب والجــزالة
ماهو لحب الصعود
ختامهــا بالــذي بالحـــق جــا والدلالة
مـا هــز ريـح البرود