Gé Reinders - Remunj of Remuunj

Video door: Dennis Case (DC Productions)

Dit liedje en het gehele dubbel-album inclusief bonussingle is hier verkrijgbaar:
CD // www.gereinders.nl/winkel
iTunes // https://itun.es/nl/qKzMab


–––
Een loflied op mijn mooie stad waarvan sommige inwoners met elkaar bekvechten over hoe je haar naam moet spellen.
–––

Remunj of Remuunj

’n Vrouw sjprook mich aan in ’t café
Ze zag: dao mót mich get van mien hert, beste Gé.
Des se zings euver Mesjtreech det is aardig en leuk
Maar hie woons se, dao bös se op bezeuk

En waat zuuj dao zag det ging mich neet oet de kop
Giesternach sjting ich d’r zelfs van op
Ich wo zinge euver de sjtad wo ich nag ’n laeve lang wil blieve
Maar wie mót ich dae naam noe toch sjrieve?

Ich höb deze ganse daag zitte belle
Ederein haet zien raeje óm ’t angers te sjpelle

Remunj of Remuunj, maak ’t get oet waat ze taege dich zègke?
Sjoon sjtad wo Roer en de Maas samegaon

Ich fietste euver Herte, Ool en Maerem en achter Hattem euver die nuuj brök
Via Azeraoj en Boekoel nao Zjwame en euver Asselt en Leve trök
En ich dach: as ich hie óm mich haer kiek
Waat zeen veer toch riek

Veer höbbe twee theaters en ’n eige ziekenhoes
En al zit de ganse sjtad vol mit Pruse, dan nág väöl ich mich hie thoes
Hermenieje, fómfares, ’n brassband en ’n symfonie-orkes
Heel väöl kore en zèk zelf: waat ’n burgemeisteres!

Laot ze zich maar sjtraevele wie se dae naam mós sjpelle
Wits se: ze kinne mich allemaol nag meer vertelle

Remuunj of Remunj, ’t maak nieks oet waat ze taege dich zègke
Sjoon sjtad wo Roer en Maas samegaon
Ze moge mich in diene gróndj oojts te röste lègke
Fijn óm te bedinke det as veer d’r nimmer zeen
Doe nag altied hie zals sjtaon

Daen aje Kats maakde zien waordebook mit bezej
Dae sjrief: Remuunj of Remunj ’t kint allebei

Remunj of Remuunj ’t maak nieks oet waat ze taege dich zègke
Mien sjtad wo Roer en Maas en Zjwaam samegaon
Ze moge mich in …