{تعاشب شاي}(2122) هي فوضى؟!

من كام يوم كده ، انتشر فيديو على السوشيال ميديا ، لخناقة كبيرة في محافظة قنا..
هي الحقيقة مش خناقة بمعناها المعروف.. هي كانت حفلة ضرب وتلطيش ، لمجموعة من الناس ، قافشين في شخص واحد وهاتك يا دعك..
ولأن مكان الواقعة ، كان عبارة عن سوبر ماركت.. ولأن الغل والغضب ، كان واضح أنه جايب آخره مع عمال المحل ..
فكان طبيعي أنك تتوقع ، أنهم قفشوا زبون بيسرق.. أواتحرش ببياعة مثلا ، أو لأي أسباب ، متوفرة الحقيقة في عصر القرف وضيقة الخلق ، وحالة الانفلات اللي بقى سمة مميزة ، لعهد الأمن والاستقرار ، لصاحبه فشاخة الريس متعاص..
لكن المفاجأة بقى ، إن الزبون اللي اتروق عليه ، واتعمل من وشه جزامة ، طلع ظابط اساسا.. وكان ضحية يا ولداه لبلطجة التجار الجشعين ، وكان شهيد الواجب ، وقائد لموقعة التسعيرة..
وعشان احنا ، في دولة لامؤاخذة قانون.. ومؤسسات البلد صاحية وبتلعب..واتعودنا منها على التحرك السريع ، لظبط الشارع ، وحفظ الأمن ، وربنا يسامحني على الكدب ده ..
لقينا إن رد فعل الداخلية فوري ، ولقينا النيابة قامت بدورها ، والكل انتفض لتحقيق العدالة وتطبيق القانون..
فخلينا النهاردة نناقش الواقعة دي .. وهي بتطرح كام سؤال ..
أنت مالك كظابط مباحث بالتسعيرة اساسا ؟ ومين اللي مقوي قلب الفئة دي ؟
ومرسخ جواهم منهج البلطجة ، وإنهم أسياد ، من حقهم يفرضوا سطوتهم على الناس ، في أي شئ ، حتى لو كان بره حدودهم واختصاصاتهم
والسؤال الأهم بقى ، هو عن دلالات العلقة اللي كلها حظابط .. ايه اللي ممكن يتسبب فيه الكبت ، والشعور بالقهر والظلم ، لو استمر القمع والاستبداد ده ؟

للدعم على Patreon :
  / ahmedbehiry  

اشترك في القناة الرسمية على تليجرام:
https://t.me/ABehiry

الصفحة الرسمية لاحمد بحيري علي الفيسبوك
  / أحمد-بحيري-ahmed-behiry-109415711865636  

الصفحة الرسمية علي تويتر
  / ahmedbehiry  

اشترك في القناة لمتابعة الحلقات الجديدة
http://goo.gl/2KheJZ

المصادر:

أعلم أهل الأرض
http://www.قooقle.com