بنت المنهال - وينج يم هلا يمه (حصريآ) 2020--
Автор: الأستاذه بنت المنهال
Загружено: 2020-08-04
Просмотров: 923882
اجت عيني على فراشج.. وينج يم هلا يمه
***************************
وينج يمه صحت بصوت وبجيت وهلن عيوني
اكابل صورتج وانعى وابجي الي يسمعوني
شلي بالدنيا من عكبج يريت وياج دفنوني
ولاصدن واشوف الدار منج خاليه وضلمه
***************************
وينج يمه صحت بصوت ارجعي طالت المده
جنه وياج من نكعد شملذها جانت الكعده
هسه الموت طشرنه وزماني الراح شيرده
العين الماتشوفج ريت خلها من البجي تعمه
****************************
شلي بعين التشوف الناس بس ماتكدر تشوفج
الزم طارف اثيابج حسبالي الزم جفوفج
ييمه خاف الج اشتاك بحلم وديلي اطيوفج
يخنكني الهوه بلياج اريدج للنفس نسمه
**************************
اندفن عمري وضحكتي وياج والبسمه
بعد ماشفنه خير وطيب شلتي وشالت النعمه
انه بكلبي حجي معاتب ومنو اليسمع منو يفهمه
بس روحي شتهت ملكاج وذيج الضحكه واللمه
***************************
اقنع روحي مترجعين واكول المات مايرجع
واعرف كلبي مايصبر.. الصبر بالفركه ماينفع
واسمع صوتج ببالي واكولن لا حلم واقنع
هنا ياريحة الجنه. عطرج بالهوه اشتمه
***************************'
الشاعره نورس الحلفي
Доступные форматы для скачивания:
Скачать видео mp4
-
Информация по загрузке:
