O‘lim, qabr, jannat va do‘zax xabarlari | Dr. Oiz Qarniy

#audiokitob

Kitob: O‘lim, qabr, jannat va do‘zax xabarlari
Muallif: Dr. Oiz Qarniy
Suxandon: Shams Solih

Barcha jonzotlarni yo‘qdan bor qilgan, ularga bu tiriklik dunyosida rizq bergan va ma’lum bir vaqtdan keyin vafot ettiradigan Zot – Alloh taolodir. Xususan, insonlar ham bu hayot dunyoda foniydir. Har bir insonga qancha umr va qanday rizq tegishini faqat Allohning O‘zi biladi. Inson ma’lum vaqt dunyoda bo‘lganidan so‘ng Mangu Hayot – oxirat diyoriga o‘tadi.

U yerda esa insonni bu hayot dunyoda amalga oshirgan amallarining mukofoti yoki jazosi kutadi. Qo‘lingizdagi ushbu kitob ana shu oxirat diyoridagi jazo va mukofotlar – jannat va do‘zax haqida xabar beradi. Unda jannat ne’matlari va do‘zax azoblari tafsilotlari Qur’oni karim oyatlari va hadislarga asoslangan holda bayon qilingan.

Bu kitob, nafaqat oxirat haqidagi bilimlaringizni boyitishga, balki hayotingizni yanada ma’noli kechirishga ham yordam beradi. U sizni ezgu amallarga shoshilishga, oxirat saodatini qo‘lga kiritishga undaydi. O‘qing, o‘rganing va Alloh taologa tavba bilan yuzlaning. Zero, bu dunyo foniy, Oxirat esa mangu haqiqatdir.