2025. 12 Oct. Machu Picchu. City in the Sky. Banda de Música Municipal de Caldas de Reis (Barro)

Machu Picchu. City in the Sky de Satoshi Yagisawa
Banda de Música Municipal de Caldas de Reis
Director: Javier Penido
XXV Festival de Bandas de Música de Barro
Pavillon Polidepotivo de Barro

Machu Picchu (City in the Sky)
-------------------------------------------------
Foi composta no ano 2004 polo compositor xaponés "Satoshi Yagisawa", é unha obra sinfónica para banda de música que nos transporta, a través do son, ata os picos andinos do Perú onde se agocha entre a néboa a misteriosa cidade inca de Machu Picchu
A obra, de arredor de 12 minutos de duración, é unha homenaxe sonora á civilización inca, á súa espiritualidade, á forza do seu pobo e ao eco do seu legado perdido. Non está dividida en movementos, pero si constrúe unha narrativa que flúe como unha viaxe emocional e simbólica
Comeza cunha introdución mística, onde as madeiras e a percusión evocan a aparición gradual da cidade entre a brétema da montaña. A sensación é case máxica, como se o tempo se detivese no cumio do mundo. Segue unha sección chea de enerxía, onde ritmos tribais e poderosos metais representan os rituais e a vitalidade da antiga cultura inca. A música, aquí, é rítmica, viva e ancestral
Logo chega o corazón da obra: un lamento profundo, unha sección lenta que fala da desaparición dunha civilización que, aínda esquecida, segue falando a través das pedras e dos ecos. É unha pasaxe chea de emoción, cun lirismo que conmociona, lembrando que Machu Picchu é ao tempo ruína e testemuño
Finalmente, a música ascende cara a un final triunfal. A cidade, xa elevada ao ceo, convértese en símbolo eterno. A banda brilla nun clímax glorioso, cun tema heroico e expansivo que celebra a beleza, o misterio e a inmortalidade cultural dos incas

Banda de Música Municipal de Caldas de Reis
---------------------------------------------------------------------------
Fundada en agosto de 2005 por “Milagros Valiño” (Mila) coincidindo co día grande das festas de Caldas de Reis. Mila foi a primeira directora que estivo levando a dirección ata o ano 2007 cos músicos que saían da propia escola de música de Caldas, xunta a músicos que estudaban nos conservatorios de ciudades como Santiago ou Pontevedra
En 2008 tivo unha mención no Certamen Internacional de Valencia
No 2017 logrou un 2º premio no XI Certame Galego
En 2022 participou no XV Certame Galego logrando un segundo posto
No 2023 proclamouse campioa do XVI Certame Galego de Bandas de Música Populares, acadando a máxima puntuación
En 2024 participou no 136 Certamen Internacional de Bandas de Música «Ciudad de València», conseguindo o 1.º premio na Sección Segunda con unha proposta que incluia a "La luz del sol" (pasodobre), obra libre "Retrospective" e a obra obrigada "Sucro Oppidum"
.................................
Momentos vividos coa música
Todos os momentos son únicos e irrepetibles